judaaiyon ke zakhm dard-e-zindagi ne bhar diye — Nasir Kazmi

kuchh yaadgaar-e-shahr-e-sitamgar hi le chalein
aae hain is gali mein to patthar hi le chalein

vo raat kaa be-navaa musaafir vo teraa shaair vo teraa 'naasir'
tiri gali tak to ham ne dekhaa thaa phir na jaane kidhar gayaa vo

akele ghar se puchhti hai be-kasi
tiraa diyaa jalaane vaale kyaa hue

girafta-dil hain bahut aaj tere divaane
khudaa kare koi tere sivaa na pahchaane

jurm-e-ummid ki sazaa hi de
mere haq mein bhi kuchh sunaa hi de

nae kapDe badal kar jaaun kahaan aur baal banaaun kis ke liye
vo shakhs to shahr hi chhoD gayaa main baahar jaaun kis ke liye

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

nazar bachaa ke jo aansu kiye the main ne paak
khabar na thi yahi dhabbe baneinge daaman ke

bataa khud ko bhalaa kaise sanvaarun
mujhe gham aainon mein dikh rahaa hai