malaamaton se junun mein na kuchh kami aai — Payam Fatehpuri

sukun de na sakin raahatein zamaane ki
jo niind aai tire gham ki chhaanv mein aai

ajiib shai hai tasavvur ki kaar-farmaai
hazaar mahfil-e-rangin sharik-e-tanhaai

nafas nafas pe yahaan rahmaton ki baarish hai
hai bad-nasib jise zindagi na raas aai

khushi visaal ki ab hai na ranj-e-tanhaai
ye kis maqaam pe mujh ko hayaat le aai

phailaa fazaa mein naghma-e-zanjir-e-marhabaa
zindaan mein ghuT ke rah na saki zindagi ki baat

taarikh-e-kaaenaat-e-ibaadat junun se hai
unvaan-e-aql-o-hosh hai divaangi ki baat

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

misl-e-majnun jo pareshaan hai bayaabaan mein aaj
kyuun dilaa kaun samaayaa hai tire dhyaan mein aaj

jis nuur ke bakke ko mah-o-khur ne na dekhaa
kam-bakht ye dil loTe hai us parda-nashin par

saaqi mire bhi dil ki taraf Tuk nigaah kar
lab-tishna teri bazm mein ye jaam rah gayaa

aankhein bhi haae nazaa mein apni badal gaiin
sach hai ki bekasi mein koi aashnaa nahin