nafas nafas pe yahaan rahmaton ki baarish hai — Payam Fatehpuri

sukun de na sakin raahatein zamaane ki
jo niind aai tire gham ki chhaanv mein aai

ajiib shai hai tasavvur ki kaar-farmaai
hazaar mahfil-e-rangin sharik-e-tanhaai

malaamaton se junun mein na kuchh kami aai
jaraahaton se baDhi zakhm-e-dil ki raanaai

khushi visaal ki ab hai na ranj-e-tanhaai
ye kis maqaam pe mujh ko hayaat le aai

phailaa fazaa mein naghma-e-zanjir-e-marhabaa
zindaan mein ghuT ke rah na saki zindagi ki baat

taarikh-e-kaaenaat-e-ibaadat junun se hai
unvaan-e-aql-o-hosh hai divaangi ki baat

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

zindagi zor hai ravaani kaa
kyaa thamegaa bahaav paani kaa

idhar to tuul diyaa hai umiid ko us ne
udhar hayaat ataa ki hai mukhtasar mujh ko

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein