kasrat-e-sajda se pashemaan hain — Qalaq Merathi

naala kartaa huun log sunte hain
aap se meraa kuchh kalaam nahin

har sang mein kaabe ke nihaan ishva-e-but hai
kyaa baani-e-islaam bhi ghaarat-gar-e-din thaa

amn aur tere ahd mein zaalim
kis tarah khaak-e-rahguzar baiThe

us se na miliye jis se mile dil tamaam umr
sujhi hamein bhi hijr mein aakhir ko duur ki

dil ke har juzv mein judaai hai
dard uThe aabla agar baiThe

khud ko kabhi na dekhaa aaine hi ko dekhaa
ham se to kyaa ki khud se naa-aashnaa rahaa hai

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe