mayassar muft mein the aasmaan ke chaand taare tak — Rajesh Reddy

kiyaa ijaad jis ne bhi khudaa ko
vo khud ko kaise bahlaataa thaa pahle

saath 'ghaalib' ke gai fikr ki gahraai bhi
aur lahja bhi gayaa 'mir-taqi-mir' ke saath

sab log is se pahle ki devtaa samajhte
ham ne zaraa saa khud ko insaan kar liyaa hai

kyaa jaane kis jahaan mein milegaa hamein sukun
naaraaz hain zamin se khafaa aasmaan se ham

justuju kaa ik ajab silsila taa-umr rahaa
khud ko khonaa thaa kahin aur kahin DhunDhnaa thaa

kaun paDhtaa hai yahaan khol ke ab dil ki kitaab
ab to chehre ko hi akhbaar kiyaa jaanaa hai

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

bahr-e-ayaadat aae vo lekin qazaa ke saath
dam hi nikal gayaa miraa aavaaz-e-paa ke saath

khudaa se Darte to khauf-e-khudaa na karte ham
ki yaad-e-but se haram mein bukaa na karte ham

jhuTi baatein rahne do
kaun kisi ko yaad aayaa

aise hijr ke mausam kab kab aate hain
tere alaava yaad hamein sab aate hain