'baani' zaraa sambhal ke mohabbat kaa moD kaaT — Rajinder Manchanda Bani

yaad tiri jaise ki sar-e-shaam
dhund utar jaae paani mein

thi paanv mein koi zanjir bach gae varna
ram-e-havaa kaa tamaashaa yahaan rahaa hai bahut

koi bhuli hui shai taaq-e-har-manzar pe rakkhi thi
sitaare chhat pe rakkhe the shikan bistar pe rakkhi thi

shaamil huun qaafile mein magar sar mein dhund hai
shaayad hai koi raah judaa bhi mire liye

paiham mauj-e-imkaani mein
aglaa paanv nae paani mein

mohabbatein na rahin us ke dil mein mere liye
magar vo miltaa thaa hans kar ki vaza-daar jo thaa

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

pyaar hai mujh ko zindagi se bahut
aur tu zindagi se pyaari hai

dil us chashm ko vo dil-e-zaar ko
ki dekhe hai bimaar bimaar ko

buraa ho ulfat-e-khubaan kaa ham-nashin ham to
shabaab hi mein buraa apnaa haal kar baiThe

dhokaa khaane pe ro paDaa hogaa
ye koi 'ishq mein nayaa hogaa