raas aae tum ko mulk-e-ishq ki aab-o-havaa — Rasheed Lakhnavi

buton ke dil mein hamaari kuchh ab hui hai jagah
khudaa ne rahm kiyaa varna mar gae hote

sabhon ki aa gai piiri jo tum javaan hue
zamin kaa dil huaa miTTi kham aasmaan hue

siye jaate hain kafan aap ke divaanon ke
taar daaman ke hain TukDe hain garebaanon ke

kabhi madfun hue the jis jagah par kushta-e-abru
abhi tak is zamin se saikDon khanjar nikalte hain

zindagi kahte hain kis ko maut kis kaa naam hai
mehrbaani aap ki naa-meharbaani aap ki

gae the hazrat-e-zaahid to zard thaa chehra
sharaab-khaane se nikle to surkh-ru nikle

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

itnaa tarsaayaa gayaa mujh ko mohabbat se ki ab
ik mohabbat pe qanaaat nahin kar saktaa main

kis ne aabaad kiyaa hai miri viraani ko
ishq ne? ishq to bimaar paDaa hai mujh mein

ishq farmaa liyaa to sochtaa huun
kyaa musibat paDi hui thi mujhe

ye mohabbat kaa jo ambaar paDaa hai mujh mein
is liye hai ki miraa yaar paDaa hai mujh mein