koh sangin haqaaeq thaa jahaan — Ravish Siddiqi

jo raah ahl-e-khirad ke liye hai laa-mahdud
junun-e-ishq mein vo chand gaam hoti hai

hazaar husn dil-aaraa-e-do-jahaan hotaa
nasib ishq na hotaa to raaegaan hotaa

hazaar rukh tire milne ke hain na milne mein
kise firaaq kahun aur kise visaal kahun

vo shakhs apni jagah hai muraqqa-e-tahzib
ye aur baat hai ki qaatil usi kaa naam bhi hai

sakht jaan-levaa hai saadgi mohabbat ki
zahr ki kasauTi par zindagi ko kasti hai

naqaab-e-shab mein chhup kar kis ki yaad aai samajhte hain
ishaare ham tire ai sham-e-tanhaai samajhte hain

mere khvaabon ke jharokon ko sajaate rahiye
na sahi vasl magar yaad to aate rahiye

hasin khvaab ko sachchaa samajh rahaa hai koi
faqat gumaan ko duniyaa samajh rahaa hai koi

kab dard se dil ko taab aayaa
aankhon mein kahaan se khvaab aayaa

vo mere khvaab le ke sirhaane khaDaa rahaa
main so rahi thi us ne jagaayaa nahin mujhe

ham ne har khvaab ko taabir ataa ki 'aslam'
varna mumkin thaa ki har naqsh adhuraa hotaa

hai ye ummid mire khvaab mein aap aaeinge
ek dar aankh kaa rakhtaa huun khulaa raat ke vaqt