be-abr rind piite nahin vaaizo sharaab — Riyaz Khairabadi

muflison ki zindagi kaa zikr kyaa
muflisi ki maut bhi achchhi nahin

zaraa jo ham ne unhein aaj mehrbaan dekhaa
na ham se puchhiye kyaa rang-e-aasmaan dekhaa

aisi hi intizaar mein lazzat agar na ho
to do ghaDi firaaq mein apni basar na ho

kyaa mazaa deti hai bijli ki chamak mujh ko 'riyaaz'
mujh se lipTe hain mire naam se Darne vaale

gham mujhe dete ho auron ki khushi ke vaaste
kyuun bure bante ho tum naahaq kisi ke vaaste

vasl ki raat ke sivaa koi shaam
saath le kar sahar nahin aati

pyaaso raho na dasht mein baarish ke muntazir
maaro zamin pe paanv ki paani nikal paDe

baarish ke baa'd raat saDak aaina si thi
ik paanv paaniyon pe paDaa chaand hil gayaa

baadalon ne aaj barsaayaa lahu
amn kaa har faakhta rone lagaa

shagufta baagh-e-sukhan hai hamin se ai 'saabir'
jahaan mein misl-e-nasim-e-bahaar ham bhi hain

tum ne kyuun dil mein jagah di hai buton ko 'saabir'
tum ne kyuun kaaba ko but-khaana banaa rakkhaa hai

fariyaad ai tasavvur-e-abru-e-dil-fareb
qible ki samt bhuul gayaa huun namaaz mein