kahne lagi ye maut ki kiije hamein muaaf — Saghar Khayyami

chehre to jhurriyon se bhare dil javaan hain
din mein hain shaikh raat mein salmaan-khaan hain

ab aap hi bataaein vo kaise nibhaaegaa
jis ko nasib dum nahin vo kyaa hilaae gaa

ek qaidi subh ko phaansi lagaa kar mar gayaa
raat bhar ghazlein sunaain us ko thaanedaar ne

mahngaai ke zamaane mein bachchon ki rel-pel
aisaa na ho kamar tiri mahngaai toD de

hamaare laal ko darkaar hai vahi laDki
ki jis kaa baap police mein ho kam se kam deputy

kitne chehre lage hain chehron par
kyaa haqiqat hai aur siyaasat kyaa

jiinaa mushkil to bahut hai tiri is duniyaa mein
lekin is khvaab ko marnaa bhi nahin chaahiye hai

kiyaa hai us ne har ik se visaal kaa vaada
is ishtiyaaq mein marnaa zaruri hotaa hai

ham os ke qatre hain ki bikhre hue moti
dhokaa nazar aae to hamein rol ke dekho

had se guzraa jab intizaar tiraa
maut kaa ham ne intizaar kiyaa

maut ki god mein jab tak nahin tu so jaataa
tu 'sadaa' chain se hargiz nahin sone vaalaa

paighaam zindagi ne diyaa maut kaa mujhe
marne ke intizaar mein jiinaa paDaa mujhe