khaali baraamdon ne mujhe dekh kar kahaa — Salman Akhtar

kaise ho kyaa hai haal mat puchho
mujh se mushkil savaal mat puchho

kuchh to apne liye bhi rakhnaa hai
zakhm auron ko kyuun dikhaaein sab

ham jo pahle kahin mile hote
aur hi apne silsile hote

zindagi is qadar kaThin kyuun hai
aadmi ki bhalaa khataa kyaa hai

ye alag baat ki vo mujh se khafaa rahtaa hai
main ik insaan huun aur mujh mein khudaa rahtaa hai

jhaankte raat ke garebaan se
ham ne sau aaftaab dekhe hain

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

dil ho gayaa hai gham se tire daaghdaar khuub
phulaa hai kyaa hi josh se ye laala-zaar khuub

tumhein khayaal nahin kis tarah bataaein tumhein
ki saans chalti hai lekin udaas chalti hai