vo ek khvaab jo phir lauT kar nahin aayaa — Salman Akhtar

jhaankte raat ke garebaan se
ham ne sau aaftaab dekhe hain

ye alag baat ki vo mujh se khafaa rahtaa hai
main ik insaan huun aur mujh mein khudaa rahtaa hai

ham jo pahle kahin mile hote
aur hi apne silsile hote

zindagi is qadar kaThin kyuun hai
aadmi ki bhalaa khataa kyaa hai

kuchh to apne liye bhi rakhnaa hai
zakhm auron ko kyuun dikhaaein sab

kaise ho kyaa hai haal mat puchho
mujh se mushkil savaal mat puchho

mere khvaabon ke jharokon ko sajaate rahiye
na sahi vasl magar yaad to aate rahiye

hamaaraa ishq ravaan hai rukaavaTon mein 'zafar'
ye khvaab hai kisi divaar se nahin ruktaa

par katar paai jab na khvaabon ke
band hi kar diin khiDkiyaan main ne

balaa-e-jaan thi jo bazm-e-tamaashaa chhoD di main ne
khushaa ai zindagi khvaabon ki duniyaa chhoD di main ne

afsos umr kaT gai ranj-o-malaal mein
dekhaa na khvaab mein bhi jo kuchh thaa khayaal mein

khvaab Thahre the to aankhein bhigne se bach gaiin
varna chehre par to gham ki baarishon kaa aks hai