lahu ke kinaare bhi zad par hain donon — Shaheen Abbas

ye din aur raat kis jaanib uDe jaate hain sadiyon se
kahin rukte to main bhi shaamil-e-parvaaz ho saktaa

us ke baa'd agli qayaamat kyaa hai kis ko hosh hai
zakhm sahlaataa thaa aur ab daagh dikhlaataa huun main

apni si khaak uDaa ke baiTh rahe
apnaa saa qaafila banaate hue

ik zamaane tak badan be-khvaab be-aadaab the
phir achaanak apni uryaani kaa andaaza huaa

harf ke aavaaza-e-aakhir ko kar detaa huun nazm
sher kyaa kahtaa huun khaamoshi ko phailtaa huun main

ab khulaa khvaab mein kuchh khvaab milaataa thaa main
khaak uDaataa thaa main sayyaaron ki sayyaaron par

na tum hosh mein ho na ham hosh mein hain
chalo mai-kade mein vahin baat hogi

sau fasaad ek ishq mein uTThe
boyaa ik tukhm uge hazaar darakht

kisi ke zakhm par chaahat se paTTi kaun baandhegaa
agar bahnein nahin hongi to raakhi kaun baandhegaa

tumhaari yaad nikalti nahin mire dil se
nasha chhalaktaa nahin hai sharaab se baahar

koi saaghar pe saaghar pi rahaa hai koi tishna hai
murattab is tarah aain-e-mai-khaana nahin hotaa

aae kuchh abr kuchh sharaab aae
is ke baa'd aae jo azaab aae