isi khataa pe bujhaae gae charaagh mire — Shakeel Azmi

tumhaari maut ne maaraa hai jite-ji ham ko
hamaari jaan bhi goyaa tumhaari jaan mein thi

kuchh dinon ke liye manzar se agar haT jaao
zindagi bhar ki shanaasaai chali jaati hai

ghar ke divaar-o-dar pe shaam hi se
nazm likhtaa huaa hai sannaaTaa

haar ho jaati hai jab maan liyaa jaataa hai
jiit tab hoti hai jab Thaan liyaa jaataa hai

apni manzil pe pahunchnaa bhi khaDe rahnaa bhi
kitnaa mushkil hai baDe ho ke baDe rahnaa bhi

mujh ko bikhraayaa gayaa aur sameTaa bhi gayaa
jaane ab kyaa miri miTTi se khudaa chaahtaa hai

kyon tasavvur mein ji rahaa huun main
jab haqiqat mein mar hi jaanaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa

ijz-o-niyaaz apnaa apni taraf hai saaraa
is musht-e-khaak ko ham masjud jaante hain

vo jald aaeinge yaa der mein khudaa jaane
main gul bichhaaun ki kaliyaan bichhaaun bistar par

ruh-e-badan zaraa si to ghabraani chaahiye
thoDi bahut to sharm tumhein aani chaahiye