bastiyaan tu ne khalaaon mein basaain bhi to kyaa — Sharif Kunjahi

tu june ki garmi se na ghabraa ki jahaan mein
ye lu to hamesha na rahi hai na rahegi

tavil raat bhi aakhir ko khatm hoti hai
'sharif' ham na andheron se maat khaaeinge

ghunuda raahon ko tak tak ke sogvaar na ho
tire qadam hi musaafir inhein jagaaeinge

gulzaar mein vo rut bhi kabhi aa ke rahegi
jab koi kali jaur khizaan ke na sahegi

khanda-e-mauj miri tishna-labi ne jaanaa
ret kaa taptaa huaa dekh ke zarra koi

main baDaa ho gayaa huun magar bachpanaa
mere dil se kabhi bhi gayaa hi nahin

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

main badalte hue haalaat mein Dhal jaataa huun
dekhne vaale adaakaar samajhte hain mujhe

dil-e-haris hi apnaa na ho sakaa qaane
vagarna tere karam mein to kuchh kami na rahi

chaand ne taan li hai chaadar-e-abr
ab vo kapDe badal rahi hogi