aarzu thi ek din tujh se milun — Sheen Kaaf Nizam

vahshat to sang-o-khisht ki tartib le gai
ab fikr ye hai dasht ki vusat bhi le na jaae

nikle kabhi na ghar se magar is ke baavajud
apni tamaam umr safar mein guzar gai

darvaaza koi ghar se nikalne ke liye de
be-khauf koi raasta chalne ke liye de

chubhan ye piiTh mein kaisi hai muD ke dekh to le
kahin koi tujhe pichhe se dekhtaa hogaa

gali ke moD se ghar tak andheraa kyuun hai 'nizaam'
charaagh yaad kaa us ne bujhaa diyaa hogaa

udaasi akele mein Dar jaaegi
ghaDi-do-ghaDi ko khushi bhej de

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

kuchh der fikr aalam-e-baalaa ki chhoD do
is anjuman kaa raaz isi anjuman mein hai

TuuTe hue log hain salaamat
ye naql-e-makaani kaa moajaza hai

ab yahi sochte rahte hain bichhaD kar tujh se
shaayad aise nahin hotaa agar aisaa karte

main tum se tark-e-ta'alluq ki baat kyuun sochun
judaa na jismon se 'anzar' kabhi bhi saae hue