takoge raah sahaaron ki tum miyaan kab tak — Tabish Mehdi

mire aibon ko ginvaayaa to sab ne
kisi ne meri gham-khvaari nahin ki

ye maanaa vo shajar sukhaa bahut hai
magar us mein abhi saayaa bahut hai

der tak mil ke rote rahe raah mein
un se baDhtaa huaa faaslaa aur main

ajnabi raaston par bhaTakte rahe
aarzuon kaa ik qaafilaa aur main

paDosi ke makaan mein chhat nahin hai
makaan apne bahut unche na rakhnaa

agar phulon ki khvaahish hai to sun lo
kisi ki raah mein kaanTe na rakhnaa

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

barseingi aaj rahmatein aamad hai yaar ki
naayaab hain ye ghaDiyaan tire intizaar ki

pyaaso raho na dasht mein baarish ke muntazir
maaro zamin pe paanv ki paani nikal paDe

ye na thi hamaari qismat ki visaal-e-yaar hotaa
agar aur jiite rahte yahi intizaar hotaa

tamaam umr yahaan kis kaa intizaar huaa hai
tamaam umr miraa kaun intizaar karegaa

saal, par saal, aur phir is saal
muntazir ham the muntazir ham hain