mire aibon ko ginvaayaa to sab ne — Tabish Mehdi

ye maanaa vo shajar sukhaa bahut hai
magar us mein abhi saayaa bahut hai

der tak mil ke rote rahe raah mein
un se baDhtaa huaa faaslaa aur main

paDosi ke makaan mein chhat nahin hai
makaan apne bahut unche na rakhnaa

ajnabi raaston par bhaTakte rahe
aarzuon kaa ik qaafilaa aur main

agar phulon ki khvaahish hai to sun lo
kisi ki raah mein kaanTe na rakhnaa

takoge raah sahaaron ki tum miyaan kab tak
qadam uThaao ki taqdir intizaar mein hai

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

husn jalva dikhaa gayaa apnaa
ishq baiThaa rahaa udaas kahin

zindagi kaa har ik gham uThaate hue
main sanbhalne lagaa laDkhaDaate hue

us but ke nahaane se huaa saaf ye paani
moti bhi sadaf mein tah-e-dariyaa nazar aayaa

ishq ki choT kaa kuchh dil pe asar ho to sahi
dard kam ho yaa ziyaada ho magar ho to sahi