apni choTi mein baandh kar jugnu — Vibha Jain 'Khwaab'

us ko sochun to dhyaan mein mere
khushbu aati hai pahli baarish ki

yaa to khud ko sipurd-e-'ishq na kar
yaa jo hotaa hai phir malaal na puchh

phir vahi raat vahi chaand vahi tum vahi main
kyaa kisi chhat ke muqaddar mein likhe jaaeinge

kyon koi kokh jo suuni ho vo sharminda ho
kyaa zaruri hai ki har siip se moti nikle

zindagi yuun to nayaa lafz nahin hai lekin
vaqt ke saath nae is ke ma'aani nikle

phir chhu gayaa hai pyaar se koi zamin-e-dil
khilne lage hain dasht mein phir mogre ke phuul

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe

qayaamat se nahin kam intizaar-e-vasl ki lazzat
khudaa jaane kahin vaada vafaa hotaa to kyaa hotaa

tamaam umr tiraa intizaar kar leinge
magar ye ranj rahegaa ki zindagi kam hai

tere aane kaa intizaar rahaa
umr bhar mausam-e-bahaar rahaa

yaaro duaa karo ye koi haadsa na ho
pahle yuun intizaar mein lazzat kabhi na thi