jangalon mein ghumte phirte hain shahron ke faqih — Wahab Danish

jab safar ki dhuup mein murjhaa ke ham do pal ruke
ek tanhaa peD thaa meri tarah jaltaa huaa

khul gayaa raaz chhupi chaah kaa sab mahfil par
naam le kar jo miraa us se pukaaraa na gayaa

vo rang kaa hujum saa vo khushbuon ki bhiiD si
vo lafz lafz se javaan vo harf harf se hasin

in parbaton ke biich thi mastur ik guphaa
patthar ki narmiyon mein thi mahfuz kaaenaat

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

yaad nahin kyaa kyaa dekhaa thaa saare manzar bhuul gae
us ki galiyon se jab lauTe apnaa bhi ghar bhuul gae

zinat-e-aghyaar kaliyaan ho gaiin
ghairat-e-ahl-e-chaman ko kyaa huaa

mujh ko maalum ki hai tujh ko bahaaron ki talaash
meri duniyaa mein magar phuul nahin kaanTe hain