zamaane bhar ko hai ummid usi se — Zaheer Rahmati

khushi se apnaa ghar aabaad kar ke
bahut roeinge tum ko yaad kar ke

kisi din uqda-e-mushkil bhi khultaa
kabhi ham par bhi tum aasaan hote

jis ki kuchh taabir na ho
khvaab usi ko kahte hain

sadiyon mein koi ek mohabbat hoti hai
baaqi to sab khel tamaashaa hotaa hai

aur ehsaas-e-jihaalat baDh gayaa
kis qadar paDh likh ke jaahil ho gae

yuun hi ham dard apnaa kho rahe hain
yahi ronaa hai ham kyuun ro rahe hain

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

ret par ik nishaan hai shaayad
ye hamaaraa makaan hai shaayad