sadiyon mein koi ek mohabbat hoti hai — Zaheer Rahmati

khushi se apnaa ghar aabaad kar ke
bahut roeinge tum ko yaad kar ke

kisi din uqda-e-mushkil bhi khultaa
kabhi ham par bhi tum aasaan hote

jis ki kuchh taabir na ho
khvaab usi ko kahte hain

aur ehsaas-e-jihaalat baDh gayaa
kis qadar paDh likh ke jaahil ho gae

zamaane bhar ko hai ummid usi se
vo naa-ummid aisaa kar rahaa hai

yuun hi ham dard apnaa kho rahe hain
yahi ronaa hai ham kyuun ro rahe hain

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

gham ko ehsaas ki miTTi mein khudaa ne gundhaa
aur kuchh ashk milaae to phir insaan kiyaa

halqa-e-shaam-o-sahar se nahin jaane vaalaa
dard is dida-e-tar se nahin jaane vaalaa