raat paDe ghar jaanaa hai — Mohammad Alvi

main us ke badan ki muqaddas kitaab
nihaayat aqidat se paDhtaa rahaa

kamre mein maze ki raushni ho
achchhi si koi kitaab dekhun

nayaa saal divaar par Taang de
puraane baras kaa calendar giraa

aur baazaar se kyaa le jaaun
pahli baarish kaa mazaa le jaaun

donon ke dil mein khauf thaa maidaan-e-jang mein
donon kaa khauf faasla thaa darmiyaan kaa

us se bichhaDte vaqt main royaa thaa khub-saa
ye baat yaad aai to pahron hansaa kiyaa

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

aaj 'anjum' muskuraa kar us ne phir dekhaa mujhe
shikva-e-jaur-o-jafaa phir bhuul jaanaa hi paDaa

daulat nahin kaam aati jo taqdir buri ho
qaarun ko bhi apnaa khazaanaa nahin miltaa

khud hi jaane lage the aur khud hi
raasta rok kar khaDe hue hain

sham-e-khema koi zanjir nahin ham-safaraan
jis ko jaanaa hai chalaa jaae ijaazat kaisi