Ghazal

"vaa-e-naadaani ye hasrat thi ki hotaa dar khulaa ham qafas raaz-e-asiri kyaa kahein kyunkar khulaa fursat-e-ranj-e-asiri di na un dhaDkon ne haae ab chhuri sayyaad ne li ab qafas kaa dar khulaa allaah allaah ik duaa-e-marg ke do do asar vaan khulaa baab-e-ijaabat yaan qafas kaa dar khulaa uf is aazaadi-e-be-hangaam ki majburiyaan main qafas ke paas yuun baiThaa hi rahtaa par khulaa ujlat-e-parvaaz jab milne bhi de raah-e-gurez yuun to khulne ko qafas kaa dar khulaa aksar khulaa band hai baab-e-qafas ho sar to paTke jaaiye ham ne dekhaa hai qafas ki tiliyon mein dar khulaa kam to kyaa sayyaad be-taabi sivaa ho jaaegi tu ne naahaq tiliyon mein rakh diyaa khanjar khulaa aasmaan garam-e-talaafi chaahiye kaisaa qafas bijliyon ke ik ishaare mein qafas kaa dar khulaa likh chuke ham jaa chukaa khat gar yahi haalat rahi haath mein aayaa qalam aur shauq kaa daftar khulaa dil mein zakhm ashkon mein khuun surat ba-bin-aalam-mapras vo nigah uf vo mizha naavak chhupaa nashtar khulaa dam-ba-khud sakte kaa aalam murdani chhaai hui rang meri zindagi kaa meri mayyat par khulaa dil mein teraa dhyaan ik muddat rahaa begaana-vaar khulte hi khulte khulaa aur kyaa hi sharmaa kar khulaa dekhiye kyaa gul khilaati hai bahaar ab ke baras khvaab mein 'faani' ne dekhaa hai qafas kaa dar khulaa"

"mizaaj-e-dahr mein un kaa ishaara paae jaa jo ho sake to bahar-haal muskuraae jaa bahaar-e-sad-chamanistaan-e-aarzu ban kar mire khayaal ki ranginiyon mein aae jaa khirad-navaaz nigaahon ki aaD mein rah kar fazaa-e-aalam-e-divaangi pe chhaae jaa pilaae jaa ki abhi hosh-e-be-khudi hai mujhe pilaae jaa mujhe saaqi abhi pilaae jaa dil o jigar pe guzar jaaegi jo guzregi tiri nazar se jo fitne uThein uThaae jaa zaraa Thahr ki ab anjaam-e-soz-e-gham hai qarib charaagh-e-zist bhaDakne ko hai bujhaae jaa sukut-e-mayyat-e-'faani' hai ik fasaana-e-shauq lab-e-khamosh se har muddaaa ko paae jaa"

"ziist kaa haasil banaayaa dil jo goyaa kuchh na thaa gham ne dil ko dil banaayaa varna kyaa thaa kuchh na thaa vo to mere saamne the dekhne ki der thi main ne aankhein band kar liin varna pardaa kuchh na thaa yaa alam-koshi rahi yaa khud-faraamoshi rahi dil kisi din dil na thaa yaa dard thaa yaa kuchh na thaa kuchh samajh kar khud hi ham ne jaan de di dil ke saath un ki nazron kaa abhi aisaa taqaazaa kuchh na thaa aap kaa divaana thaa ye iddaaa baatil sahi 'faani'-e-divaana divaana bhi thaa yaa kuchh na thaa"

"kuchh kam to huaa ranj-e-faraavaan-e-tamannaa aaghaaz-e-junun go nahin paayaan-e-tamannaa phir yaas ne rakkhaa hai qadam khaana-e-dil mein yaani hai ab allaah nigahbaan-e-tamannaa go chaak huaa dil magar armaan na nikle be-faaeda kholaa dar-e-zindaan-e-tamannaa afsaana miraa khvaab-e-zulekhaa-e-mohabbat jalva hai tiraa yusuf-e-kanaan-e-tamannaa juz vaada-e-baatil nahin buniyaad kuchh us ki dil kaanp uThaa dekh ke aivaan-e-tamannaa ik jaan hai vo khair se vaarafta-e-gham hai ik dil hai so hai sokhta-saamaan-e-tamannaa 'faani' kaa dam ik din tire qadmon pe nikal jaae dil ki ye tamannaa hai ab ai jaan-e-tamannaa"

"ibtidaa-e-ishq hai lutf-e-shabaab aane ko hai sabr rukhsat ho rahaa hai iztiraab aane ko hai qabr par kis shaan se vo be-naqaab aane ko hai aaftaab-e-subh-e-mahshar ham-rikaab aane ko hai mujh tak us mahfil mein phir jaam-e-sharaab aane ko hai umr-e-rafta palTi aati hai shabaab aane ko hai haae kaisi kashmakash hai yaas bhi hai aas bhi dam nikal jaane ko hai khat kaa javaab aane ko hai khat ke purze naama-bar ki laash ke hamraah hain kis DhiTaai se mire khat kaa javaab aane ko hai naa-umidi maut se kahti hai apnaa kaam kar aas kahti hai Thahar khat kaa javaab aane ko hai ruuh ghabraai hui phirti hai meri laash par kyaa janaaze par mere khat kaa javaab aane ko hai bhar ke saaqi jaam-e-mai ik aur laa aur jald laa un nashili ankhDiyon mein phir hijaab aane ko hai khaana-e-tasvir mein aane ko hai tasvir-e-yaar aaine mein qad-e-aadam aaftaab aane ko hai phir hinaai hone vaale hain mire qaatil ke haath phir zabaan-e-tegh par rang-e-shahaab aane ko hai gudgudaataa hai tasavvur chuTkiyaan letaa hai dard kyaa kisi be-khvaab ki aankhon mein khvaab aane ko hai dekhiye maut aae 'faani' yaa koi fitna uThe mere qaabu mein dil-e-be-sabr-o-taab aane ko hai"

"jazb-e-dil jab ba-ru-e-kaar aayaa har nafas se payaam-e-yaar aayaa maut kaa intizaar thaa aai jaaiye ab mujhe qaraar aayaa jab kisi ne liyaa tumhaaraa naam girya be-qasd-o-ikhtiyaar aayaa be-qaraari mein ab ye hosh nahin kis ke dar par tujhe pukaar aayaa farsh-e-gul phir bichhaa rahi hai nasim aaiye mausam-e-bahaar aayaa aaj ham pi sake na vo aansu un ke aage jo baar baar aayaa khair to hai ki aap ke dar se aaj 'faani' umid-vaar aayaa"

"le e'tibaar-e-vaada-e-fardaa nahin rahaa ab ye bhi zindagi kaa sahaaraa nahin rahaa tum mujh se kyaa phire ki qayaamat si aa gai ye kyaa huaa ki koi kisi kaa nahin rahaa kyaa kyaa gile na the ki idhar dekhte nahin dekhaa to koi dekhne vaalaa nahin rahaa aahein hujum-e-yaas mein kuchh aisi kho gaiin dil aashnaa-e-dard hi goyaa nahin rahaa allaah re chashm-e-hosh ki kasrat-parastiyaan zarre hi rah gae koi sahraa nahin rahaa de un pe jaan jis ko gharaz ho ki dil ke baad un ki nigaah kaa vo taqaazaa nahin rahaa tum do-ghaDi ko aae na bimaar ke qarib bimaar do-ghaDi ko bhi achchhaa nahin rahaa 'faani' bas ab khudaa ke liye zikr-e-dil na chheD jaane bhi de balaa se rahaa yaa nahin rahaa"

"khudaa asar se bachaae is aastaane ko du'aa chali hai miri qismat aazmaane ko na puchhiye ki mohabbat mein mujh pe kyaa guzri na chheDiye mire bhule hue fasaane ko ye sho'bade ye karishme kise mayassar the tiri nigaah ne sikhlaa diye zamaane ko chaman mein barq ne jhaankaa ki ham laraz uTThe ab is se aag hi lag jaae aashiyaane ko khayaal-e-yaar bhi khoyaa huaa saa rahtaa hai ab un ki yaad bhi aati hai bhuul jaane ko nigaah-e-lutf na farmaa nigaah-e-naaz ke baa'd jigar mein aag lagaa kar na aa bujhaane ko zamaana bar-sar-e-aazaar thaa magar 'faani' taDap ke ham ne bhi taDpaa diyaa zamaane ko"

"ab unhein apni adaaon se hijaab aataa hai chashm-e-bad-dur dulhan ban ke shabaab aataa hai hijr mein bhi mujhe imdaad-e-ajal hai darkaar meri turbat pe na aa tujh se hijaab aataa hai diid aakhir hai ulaT dijiye chehre se naqaab aaj mushtaaq ke chehre pe naqaab aataa hai kis taraf josh-e-karam teri nigaahein uTThin kaun mahshar mein sazaa-vaar-e-itaab aataa hai maut ki niind bhi ab chain se sonaa maalum ki janaaze pe vo ghaarat-gar-e-khvaab aataa hai dil ko is tarah Thahar jaane ki aadat to na thi kyuun ajal kyaa mire naame kaa javaab aataa hai jalva-e-rang hai nairang-e-taqaazaa-e-nigaah koi majbur tamaasha-e-saraab aataa hai ho gayaa khuun tire hijr mein dil kaa shaayad ab tasavvur bhi tiraa naqsh-bar-aab aataa hai milti julti hai miri umr-e-do-roza 'faani' ji bhar aataa hai agar zikr-e-habaab aataa hai"

"zabaan muddaaa-aashnaa chaahtaa huun dil ab zindagi se khafaa chaahtaa huun adaa ko adaa-aashnaa chaahtaa huun tujhi par tujhe mubtilaa chaahtaa huun vafaa chaahte hain vafaa chaahtaa huun vo kyaa chaahte hain main kyaa chaahtaa huun mohabbat ko rusvaa kiyaa chaahtaa huun nazar mahram-e-iltijaa chaahtaa huun taayyun gham-e-ishq kaa chaahtaa huun unhein chaahtaa huun ye kyaa chaahtaa huun tire dil ko dard-aashnaa chaahtaa huun bhalaa chaahtaa huun buraa chaahtaa huun bahut tang hai vahm-e-hasti ki duniyaa main aalam hi ab dusraa chaahtaa huun shab-e-hijr teraa tasavvur hi to hai tujhe aaj tujh se judaa chaahtaa huun miri maut maatam kaa husn-e-talab hai sukun ek hangaama-zaa chaahtaa huun khataa DhunDtaa huun ataaon ke qaabil ataa chaahte hain khataa chaahtaa huun phir us bazm ko DhunDti hain nigaahein phir ik shikva-e-barmalaa chaahtaa huun vo fariyaad kaa ahd phir yaad aayaa phir ik naala-e-naa-rasaa chaahtaa huun phir aadaab-e-furqat hain malhuz yaani hujum-e-balaa-dar-balaa chaahtaa huun phir ik sajda-e-tauba ki aarzu hai tujhe aap se phir khafaa chaahtaa huun phir ummid-vaar-e-karam huun ki 'faani' sitam-haa-e-shauq-aazmaa chaahtaa huun koi vajh-e-taskin nahin gham na raahat khudaa jaane 'faani' main kyaa chaahtaa huun"

"ki vafaa yaar se ek ek jafaa ke badle ham ne gin gin ke liye khun-e-vafaa ke badle ki supurd-e-dar-e-but-khaana ajal ne miri khaak kis ko saunpaa mujhe zaalim ne khudaa ke badle lutf-e-bedaad hayaa ghussa taghaaful shokhi rang kyaa kyaa na talavvun ne adaa ke badle haae main kushta-e-andaaz huun yaa rab kis kaa huur aai mujhe lene ko qazaa ke badle tiir se tegh se khanjar se sinaan se maaraa kai pahlu mire qaatil ne qazaa ke badle kafan ai gard-e-lahad dekh na mailaa ho jaae aaj hi ham ne ye kapDe hain nahaa ke badle ishq allaah bachaae vo maraz hai 'faani' zahr bimaar ko dete hain davaa ke badle"

"sang-e-dar dekh ke sar yaad aayaa koi divaana magar yaad aayaa phir vo andaaz-e-nazar yaad aayaa chaak-e-dil taa-ba jigar yaad aayaa zauq-e-arbaab-e-nazar yaad aayaa sajda be-minnat-e-sar yaad aayaa har tabassum pe ye khaataa huun fareb ki unhein dida-e-tar yaad aayaa phir tiraa naqsh-e-qadam hai darkaar sajda-e-raahguzar yaad aayaa jamaa kartaa huun ghubaar-e-rah-e-dost sar-e-shorida magar yaad aayaa haae vo maarka-e-naavak-e-naaz dil bachaayaa to jigar yaad aayaa aaina ab nahin dekhaa jaataa main ba-unvaan-e-digar yaad aayaa dard ko phir hai mire dil ki talaash khaana-barbaad ko ghar yaad aayaa us ko bhule to hue ho 'faani' kyaa karoge vo agar yaad aayaa"

"vaadi-e-shauq mein vaarafta-e-raftaar hain ham be-khudi kuchh to bataa kis ke talabgaar hain ham haan abhi be-khabar-e-lazzat-e-aazaar hain ham muzhda ai mashq-e-sitam taaza giraftaar hain ham ho gham-e-hasti-e-jaaved gavaaraa kyunkar jaan kyaa dein ki bahut jaan se be-zaar hain ham main ne goyaa sila-e-mehr-o-vafaa bhar paayaa kaash itnaa hi vo kah dein ki jafaakaar hain ham yuun to kuchh gham se sarokaar na raahat ki talaash gham koi dil ke evaz de to kharidaar hain ham vo hai mukhtaar sazaa de ki jazaa de 'faani' Do-ghaDi hosh mein aane ke gunahgaar hain ham"

"guzar gayaa intizaar had se ye vaada-e-naa-tamaam kab tak na marne degi mujhe sitamgar tiri tamannaa-e-khaam kab tak ajal miraa itnaa kaam kar de ki kaam meraa tamaam kar de rahe koi zindagi ke haathon jahaan mein rusvaa-e-aam kab tak vo aae yaa vaade par na aae balaa se qismat jo kuchh dikhaa de magar hamein dekhnaa to ye hai ki aaj hoti hai shaam kab tak ye bahas o takraar chhoD de aa ye zohd kaa ahd toD de rahegi ai muddai-e-hurmat sharaab-e-duniyaa haraam kab tak"

"yuun nazm-e-jahaan darham-o-barham na huaa thaa aisaa bhi tire husn kaa aalam na huaa thaa phir chheD diyaa vusat-e-mahshar ki fazaa ne saudaa tire vahshi kaa abhi kam na huaa thaa yaa ishrat-e-do-rozaa thaa yaa hasrat-e-diroz vo lamha-e-hasti jo abhi gham na huaa thaa sad haif vo gul ho kaf-e-gul-chin mein jo ab tak aazurda-e-aavezish-e-shabnam na huaa thaa qaatil hi miraa kyuun ise kahtaa hai zamaana maanaa vo sharik-e-saf-e-maatam na huaa thaa raaz aaj mire dam se huaa raaz-e-mohabbat kuchh raaz na thaa jab koi mahram na huaa thaa paate hi khajil rahm kaa dariyaa umaD aayaa parda miri aankhon kaa abhi nam na huaa thaa rusvaa na kar is soz ko ai sham-e-lab-e-gor jo vaaqif-e-dil-sozi-e-hamdam na huaa thaa ghar khair se taqdir ne viraana banaayaa saamaan-e-junun mujh se faraaham na huaa thaa ik kufr saraapaa ne kiyaa hashr kaa qaail main mo'taqid-e-hashr-e-mujassam na huaa thaa har dil mein nai shaan-e-tajalli hai ki 'faani' nashtar hai vo andaaz jo marham na huaa thaa"

"dil aur dil mein yaad kisi khush-khiraam ki siine mein hashr le ke chale hain jahaan se ham ab chaarasaazi-e-dil-e-bimaar kyaa karein ai marg-e-naa-gahaan tujhe laaein kahaan se ham allaah rakkhe ham ko sahaaraa hai zo'f kaa baiThe to phir uTheinge na is aastaan se ham kyaa kyaa diye fareb gham-e-ishq-e-yaar ne dil ham se bad-gumaan hai aur raaz-daan se ham"

"ab lab pe vo hangaama-e-fariyaad nahin hai allaah re tiri yaad ki kuchh yaad nahin hai aati hai sabaa su-e-lahad un ki gali se shaayad miri miTTi abhi barbaad nahin hai allaah bachaae asar-e-zabt se un ko bedaad to hai shikva-e-bedaad nahin hai apni hi badaulat hai nasheman ki kharaabi minnat-kash-e-be-dardi-e-sayyaad nahin hai aamaada-e-fariyaad-rasi hai vo sitamgar fariyaad ki ab taaqat-e-faryaad nahin hai duniyaa mein dayaar-e-dil-e-'faani' ke sivaa haae koi bhi vo basti hai jo aabaad nahin hai"

"ai ajal ai jaan-e-'faani' tu ne ye kyaa kar diyaa maar Daalaa marne vaale ko ki achchhaa kar diyaa jab tiraa zikr aa gayaa ham dafatan chup ho gae vo chhupaayaa raaz-e-dil ham ne ki ifshaa kar diyaa kis qadar be-zaar thaa dil mujh se zabt-e-shauq par jab kahaa dil kaa kiyaa zaalim ne rusvaa kar diyaa yuun churaain us ne aankhein saadgi to dekhiye bazm mein goyaa miri jaanib ishaaraa kar diyaa dardmandaan-e-azal par ishq kaa ehsaan nahin dard yaan dil se gayaa kab thaa ki paidaa kar diyaa dil ko pahlu se nikal jaane ki phir raT lag gai phir kisi ne aankhon aankhon mein taqaazaa kar diyaa ranj paayaa dil diyaa sach hai magar ye to kaho kyaa kisi ne de ke paayaa kis ne kyaa paa kar diyaa bach rahaa thaa ek aansu-daar-o-gir-e-zabt se joshish-e-gham ne phir is qatre ko dariyaa kar diyaa 'faani'-e-mahjur thaa aaj aarzu-mand-e-ajal aap ne aa kar pashimaan-e-tamannaa kar diyaa"

"kyaa chhupaate kisi se haal apnaa ji hi jab ho gayaa niDhaal apnaa ham hain us ke khayaal ki tasvir jis ki tasvir hai khayaal apnaa vo bhi ab gham ko gham samajhte hain duur pahunchaa magar malaal apnaa tu ne rakh li gunaahgaar ki sharm kaam aayaa na infiaal apnaa dekh dil ki zamin larazti hai yaad-e-jaanaan qadam sambhaal apnaa baa-khabar hain vo sab ki haalat se laao ham puchh lein na haal apnaa maut bhi to na mil saki 'faani' kis se puuraa huaa savaal apnaa"

"ik fasaana sun gae ik kah gae main jo royaa muskuraa kar rah gae yaa tire mohtaaj hain ai khun-e-dil yaa inhin aankhon se dariyaa bah gae maut un kaa munh hi takti rah gai jo tiri furqat ke sadme sah gae tu salaamat hai to ham ai dard-e-dil mar hi jaaeinge jo jiite rah gae phir kisi ki yaad ne taDpaa diyaa phir kaleja thaam kar ham rah gae uTh gae duniyaa se 'faani' ahl-e-zauq ek ham marne ko zinda rah gae"

"har saans ke saath jaa rahaa huun main tere qarib aa rahaa huun ye dil mein karaahne lagaa kaun ro ro ke kise rulaa rahaa huun ab ishq ko be-naqaab kar ke main husn ko aazmaa rahaa huun asraar-e-jamaal khul rahe hain hasti kaa suraagh paa rahaa huun tanhaai-e-shaam-e-gham ke Dar se kuchh un se javaab paa rahaa huun lazzat-kash-e-aarzu huun 'faani' daanista fareb khaa rahaa huun"

"jin khaak ke zarron par vo saaya-e-mahmil thaa jo khaak kaa zarra thaa vahshat-kada-e-dil thaa bedaad ki har tah mein sau tarah se shaamil thaa vo jaan kaa dushman jo kahne ko miraa dil thaa gham husn-e-mukammal thaa dil hairat-e-kaamil thaa tasvir kaa aaina tasvir ke qaabil thaa ham ji se guzar jaanaa aasaan samajhte the dekhaa to mohabbat mein ye kaam bhi mushkil thaa aaina-o-dil donon kahne hi ki baatein thiin teri hi tajalli thi aur tu hi muqaabil thaa har baatil-o-har-naahaq ik raaz-e-haqiqat hai jis shakl mein haq aayaa vaabasta-e-baatil thaa haan aap kisi ko yuun barbaad nahin karte ye 'faani'-e-naakaaraa sach hai isi qaabil thaa"

"sitam-ijaad rahoge sitam-ijaad rahe is mein ab shaad rahe yaa koi naashaad rahe aap ne ahd kiyaa hai miri gham-khvaari kaa ab ijaazat ho to ye ahd mujhe yaad rahe gar miri tauba ko maqbul shikast-e-tauba meri tadbir mein taqdir ki uftaad rahe qaid-e-hasti se bahut tum ne kiye hain aazaad koi is qaid-e-mohabbat ki bhi miaad rahe vo khudaai ho to ho shaan-e-tajalli to nahin jis tajalli mein nigaahon ko khudaa yaad rahe zulm hai tujh se ba-taqrib-e-takalluf mansub varna taqdir-e-vafaa ye hai ki barbaad rahe dil-e-aabaad kaa 'faani' koi mafhum nahin haan magar jis mein koi hasrat-e-barbaad rahe"

"justuju-e-nashaat-e-mubham kyaa dil mayassar hai lazzat-e-gham kyaa masti-e-hosh ke fasaane hain jashn-e-parvez o ishrat-e-jam kyaa ek aalam ko dekhtaa huun main ye tiraa dhyaan hai mujassam kyaa izn hangaama-e-nigaah na de kyaa hamaari bisaat aur ham kyaa nang-e-rahmat hai ehtiyaaj-e-duaa intizaar-e-gadaa-e-mubram kyaa meri fitrat hai gosh bar aavaaz sun rahaa huun navaa-e-mehram kyaa miT gayaa naam-e-aashiqi ab aur chaahtaa hai vo husn-e-barham kyaa kaash puchho to kuchh bataaein ham haasil-e-shikva haae baaham kyaa dil kamaal-e-hayaat hai 'faani' dil ke maare huon kaa maatam kyaa"