Ghazal

"hai ye to khizaan ne ruup bharaa ham jis ko bahaaraan kahte hain bas ek nazar kaa dhokaa hai sab jis ko gulistaan kahte hain izzat bhi hai daulat bhi par aadamiyat kaa naam nahin ham kis ko hindu kahte hain ham kis ko musalmaan kahte hain kuchh der ho to ham sabr karein andher nahin dekhaa jaataa hai apne ghar mein aag lagi sab jis ko charaaghaan kahte hain ai saath safar karne vaalo Thahro na yahaan aage ko baDho ham jis ko manzil samjhe hain sab bhul-bhulayyaan kahte hain jab aql mujhe samjhaati hai behosh na ho naadaan na ban dil se gham-e-jaanaan kahtaa hai us ko gham-e-dauraan kahte hain hain dafn yahaan daulat vaale taaqat vaale izzat vaale qudrat kaa dafina hai jis ko ham gor-e-gharibaan kahte hain pi ghaafil ab parhez na kar kuchh talkh sahi kuchh tez sahi le de ke yahi hai ek davaa-e-gardish-e-dauraan kahte hain maikhaane ke phere kartaa hai ab vaaiz 'bekhud' sunte hain us ne bhi shaayad baandh liyaa paimaane se paimaan kahte hain"

"be-vajh nahin un kaa be-khud ko bulaanaa hai aaina-e-hairat se mahfil ko sajaanaa hai yaar gham-e-hasti kaa hai tazkira laa-haasil majbur kaa jiinaa hi ik baar uThaanaa hai mujh se jo sar-e-mahfil tum aankh churaate ho kyaa raaz-e-mohabbat ko afsaana banaanaa hai haalat ke taghayyur par ho maatam-e-maazi kyuun ik vo bhi zamaana thaa ik ye bhi zamaanaa hai hai gosha-e-tanhaai manzur mujhe 'bekhud' is bazm mein jaanaa to ji aur jalaanaa hai"

"main to fidaa-e-nargis-e-mastaana ho gayaa paimaana se dil ab miraa mai-khaana ho gayaa har rang mein mujhe hai mae mushk-bu kaa rang jo zarf haath aa gayaa paimaana ho gayaa kuchh makhmasaat-e-dahr the divaangi se kam achchhaa huaa ki ishq mein divaana ho gayaa dil chaahiye gudaaz nahin zor-o-zar se kaam apni misaal ishq mein parvaana ho gayaa hotaa na baagh-e-dil kabhi shaahaan-e-iltifaat achchhaa huaa bahaar mein viraana ho gayaa daanaai zer-e-daam hai ai murgh-e-dil abas maanaa ki daana khaa ke tu ab daanaa ho gayaa 'bekhud' to naa-rasaai zulf-e-butaan na puchh qismat pe meri khanda-zan ab shaana ho gayaa"

"nigaahon ko zabaan karnaa khamoshi ko bayaan karnaa ayaan karnaa bhi raaz-e-dil kabhi to yuun ayaan karnaa havaa-e-sud mein rahnaa na parvaa-e-ziyaan karnaa haqiqat mein hai saamaan-e-nashaat-e-jaavedaan karnaa kashida ho gae tum jab kashish saabit hui dil ki samajh kar chaahiye thaa jazb-e-dil kaa imtihaan karnaa vafaa kaa zikr khud karnaa khilaaf-e-rasm-e-ulfat hai subuk ho kar na pesh-e-dost baar-e-gham-garaan karnaa ba-in be-dast-o-paai mil bhi jaaegaa to kyaa hogaa abas hai fikr-e-manzil mein talaash-e-kaarvaan karnaa mujhe teri razaa marghub thi varna na thaa mumkin jafaa-e-dostaan sahnaa sanaa-e-dushmanaan karnaa unhein zid hai ki hain aazurda mujh se be-sabab varna nahin hai jurm kuchh zikr-e-jafaa-e-aasmaan karnaa sar-e-mimbar hai vaaiz mo'tariz kyon but-parasti par yahaan laazim nahin mard-e-khudaa zikr-e-butaan karnaa kisi kaa raaz itnaa qimti thaa qalb-e-'bekhud' mein khamoshi ko zaruri ho gayaa qufl-e-dahaan karnaa"

"hijr ki shab zulf-e-barham kaa khayaal aataa rahaa ik na ik har din mire sar par vabaal aataa rahaa shukr hai taarik dil mein raushni ke vaaste go tasavvur mein sahi us kaa jamaal aataa rahaa hai karam us kaa ki ham se be-basar ke vaaste aalam-e-amsaal mein vo be-misaal aataa rahaa bhulne vaale ko aakhir dil bhulaae kis tarah be-khayaali mein bhi jab us kaa khayaal aataa rahaa main ne apni khastagi ki daad paai is tarah mere arz-e-haal par un ko jalaal aataa rahaa bas yahi kyaa kam hai meri saaf-goi ki dalil un ke dil mein meri jaanib se malaal aataa rahaa kyaa bigaD jaataa jo ho jaati tavajjoh ki nazar muddaton dar par gadaa-e-be-savaal aataa rahaa mujh ko 'bekhud' jab kabhi aayaa hai tauba kaa khayaal der tak apne gunaahon kaa khayaal aataa rahaa"

"nigaah-e-mehr se dekho na gham-zada dil ko banaao aur na mushkil hamaari mushkil ko zamaana qatl huaa aur vo rahi pyaasi gilaa hai abru-e-qaatil se tegh-e-qaatil ko mire khayaal ne khalvat ko kar diyaa mahfil tiri nigaah ne khalvat banaayaa mahfil ko na jaane dil kaa tujhe kuchh khayaal hai ki nahin tiraa khayaal to vajh-e-nashaat hai dil ko nishaan-e-manzil-e-maqsud paa hi jaaegaa vo rah-navard ki madfan banaa de manzil ko jilaa de barq jo haasil se hai yahi haasil ki khauf-e-barq se haasil na ho sukun dil ko kahaan se aai ye hairat nigaah-e-'bekhud' mein ki us ko dekh ke sakta hai ahl-e-mahfil ko"

"ham-nashinon mein hamaaraa ham-navaa koi nahin aashnaa to hain bahut dard-aashnaa koi nahin ai masihaa maut se kar zindagaani kaa ilaaj ho rahe vo ghair ke ab aasraa koi nahin but-kade se chhuT kar aisaa hue be-khaanumaan jaise zer-e-aasmaan meraa khudaa koi nahin khud-numaai mein bhi vo mahbub hai mastur hai dekhte hain sab magar pahchaantaa koi nahin burrish-e-tegh-e-adaa-e-dost kaa ehsaas hai ab rahin-e-minnat-e-tir-e-qazaa koi nahin hai tiri mashq-e-sitam kaa rang agar yunhi to phir dekhaa lenaa ek din tere sivaa koi nahin puchhte hain muddaaa mujh se adu ke saamne muddaaa ye hai ki kah duun muddaaa koi nahin baa-vafaa itni jafaa par kaun hai mere sivaa tujh se baDh kar bad-gumaan ai bevafaa koi nahin baDh gayaa hai aaj kal jaur-e-butaan kuchh is qadar dast-gir-e-bandagaan goyaa khudaa koi nahin le ke baar-e-zindagi kab tak koi phirtaa rahe raahzan hi luuT le jab rahnumaa koi nahin jaan kar 'bekhud' huaa khud dushman apni jaan kaa phir gilaa kyuun doston se hai miraa koi nahin"

"mohabbat ghair-faani hai maraz hai laa-davaa meraa khudaa ki zaat baaqi hai mohabbat hai khudaa meraa na jiite ji huaa hargiz vafaa naa-aashnaa meraa par us ki daastaan ban kar rahaa zikr-e-vafaa meraa jafaa kaa teri taalib huun vafaa hai muddaaa meraa yaqin-e-naa-muraadi par bhi dekho hausla meraa ye kaisi chheD hai kyon puchhte ho muddaaa-e-dil hue jab muddai ke tum suno kyuun muddaaa meraa paDe kyuun soch mein tum qatl karke mehrbaan mujh ko vafaa ki thi khataa ki thi nahin kuchh khun-bahaa meraa nahin maalum kis par aaj phir mashq-e-jafaa hogi ki hai un ke labon par aaj phir zikr-e-vafaa meraa dil-aazaari kaa baais ho nahin sakti jafaa teri vahi hai naa-muraadi par bhi andaaz-e-vafaa meraa khudaa jaane harim-e-naaz hai kitni bulandi par ki guzrin muddatein lekin hai naala naa-rasaa meraa mujhe mahshar mein bhi ummid kam hai daad paane ki khudaai jab buton ki hai to kyaa hogaa khudaa meraa masihaai kaa un ki imtihaan manzur hai varna mujhe maalum hai 'bekhud' maraz hai laa-davaa meraa"

"taDaptaa hai tiri furqat mein koi niim jaan ho kar sitam hai pher lenaa aankh teraa mehrbaan ho kar zabaan-go saamne un ke na thi munh mein mire goyaa khamoshi kah rahi thi haal dil meraa zabaan ho kar main baavar kar nahin saktaa but-e-kamsin ke vaadon ko ye hain bachpan ki baatein bhuul jaaegaa javaan ho kar nahin do-chaar tinkon se falak ko dushmani lekin use zid hai rahe kyon ye hamaaraa aashiyaan ho kar maze se ishq ke ghaafil rahe donon ke donon hi vo mashghul-e-jafaa ho kar main masruf-e-fughaan ho kar agar mashq-e-sukhan teri yunhi jaari rahi 'bekhud' tu rang afroz-e-mahfil hogaa tu rangin bayaan hogaa"

"'abas hai pesh-e-arbaab-e-sukhan azm-e-sukhan mujh ko vafaa kahne na degi qissa-e-ranj-o-mehan mujh ko qafas mein mil gayaa hai in dinon kuchh lutf hi aisaa ki bhule se nahin aati kabhi yaad-e-chaman mujh ko khizaan ki aafatein phirti hain ab tak meri nazron mein bahaar-e-chand-roza kyaa dikhaataa hai chaman mujh ko but-e-tarraar se jab shikva-e-bedaad kartaa huun sunaataa hai vo zaalim sar-guzasht-e-kohkan mujh ko vo hans kar dekh lete hain jo kuche se guzartaa huun mubaarakbaad 'bekhud' meraa ye divaana-pan mujh ko"

"ye nahin ham ko shikaayat aap kyon aate nahin aap aate hain magar ham aap ko paate nahin kuchh samajh kar hi ham un ki bazm mein jaate nahin dosti kaa paas hai dushman se ghabraate nahin shukr hai itnaa to hai aashiq-navaazi kaa khayaal paas se jaate hain lekin dil se vo jaate nahin munh se kah sakte nahin bas dekhte hain har taraf vo uThe pahlu se ham pahlu mein dil paate nahin aap aate hain to fauran khol dete hain ham aankh aap jaate hain to pahron hosh mein aate nahin dar-haqiqat vasl hai 'bekhud' hamaari be-khudi un ko paate hain to apne aap ko paate nahin"

"main ashk-e-khunin bahaa rahaa huun fasaana rangin banaa rahaa huun nuqush-e-armaan banaa rahaa huun banaa rahaa huun miTaa rahaa huun nahin koi raahbar to kyaa gham kisi taraf ko to jaa rahaa huun junun ki sarhad mein aa gayaa huun khirad ko rasta bataa rahaa huun balaa hai ye shauq-e-rah-navardi ki aage manzil se jaa rahaa huun alag huaa khizr se ye kah kar main apni manzil pe jaa rahaa huun zamaana badlaa hai be-navaa huun kabhi tiraa ham-navaa rahaa huun ye naa-tavaani mein bhi hai dam-kham ki bojh gham ke uThaa rahaa huun vo mashq apni baDhaa rahe hain main dil nishaane pe laa rahaa huun nahin fasaane kaa koi maqsad vo sun rahe hain sunaa rahaa huun nahin vo banne ke apne 'bekhud' main khud ko un kaa banaa rahaa huun"

"tiri vafaa kaa huaa thaa kabhi gumaan mujh ko vahi khayaal huaa aish-e-jaavedaan mujh ko shikaayat-e-sitam-e-dushmanaan main kyaa kartaa ki bhultaa hi nahin lutf-e-dostaan mujh ko tire jamaal kaa zikr-e-jamil main kartaa na mil sakaa koi aalam mein raaz-daan mujh ko na sang-e-mil na naqsh-e-qadam na rahbar hai tiri talaash ne gum kar diyaa kahaan mujh ko tu khud mile na mile justuju ki daad to de nishaan miraa bhi miTaa de na de nishaan mujh ko zabaan-e-shama se zaahir ho soz-e-parvaana kuchh is tarah se jalaa sozish-e-nihaan mujh ko talaash-e-yaar mein khoyaa rahaa jo main 'bekhud' huaa na baar-e-gham-e-do-jahaan giraan mujh ko"

"shikaayat bevafaai ki na kar duniyaa-e-faani mein vafaa kaa naam baaqi hai faqat qisse kahaani mein jo marnaa thaa to aakhir kyon na maut i javaani mein dil-e-zinda ko baiThaa ro rahaa huun zindagaani mein kisi ke gosha-e-abru se kyaa irshaad hotaa hai koi kuchh arz kartaa hai zabaan-e-be-zabaani mein vufur-e-shauq meraa maane-e-didaar thaa varna jhalak thi khud-numaai ki sadaa-e-lan-taraani mein fusun-e-shauq baDh kar ho gayaa afsaana-e-rangin jigar kaa khuun jab hal ho gayaa ashkon ke paani mein mohabbat hi khudaa-e-lam-yazal maalum hoti hai isi ko to baqaa haasil hai is duniyaa-e-faani mein chaman mein zindagaani ke bahaar aai khizaan ban kar mohabbat ne lagaai aag dil ko naujavaani mein taajjub kyaa agar mujh ko mohabbat phir javaan kar de jhalak hai husn-e-yusuf ki zulekhaa ki javaani mein jo dil mein dard uThtaa hai to 'bekhud' sher kahtaa hai madad ashkon se milti hai tabiat ko ravaani mein"

"kisi se ishq karnaa aur is ko baa-khabar karnaa hai apne matlab-e-dushvaar ko dushvaar-tar karnaa nahin hai maut par kuchh ikhtiyaar ai vaa-e-majburi umid-e-marg mein mushkil basar karnaa magar karnaa jo par the maaya-e-parvaaz mein vajh-e-giraanbaari ghurur-e-baal-o-par karnaa to mujh ko dekh kar karnaa jafaa kar shauq se tu zabt par mere na jaa hargiz shikaayat kyaa mujhe ye kaam hai jab 'umr bhar karnaa jafaa un ki vafaa-parvar vafaa meri jafaa-parvar vo un ko 'umr-bhar karnaa ye mujh ko 'umr-bhar karnaa sar-e-rah puchhte hain haal kyaa kahiye ki mushkil hai bayaan-e-dard-e-dil karnaa aur is ko mukhtasar karnaa tavajjoh chaara-gar ki baais-e-taklif hai 'bekhud' izaafa hai musibat mein davaaon kaa asar karnaa"

"jo gul khilaa vo daagh-e-dil-e-bostaan huaa ibrat nigaah-e-dil na kabhi shaadmaan huaa jo dil mein rah sakaa na zabaan se bayaan huaa ban kar junun vo raaz-e-mohabbat ayaan huaa kahne se ghair ke hue vo tegh-aazmaa mujh ko na aazmaaein ki bas imtihaan huaa is khud-fareb dil ko ummidein hain aur vo naa-mehrbaan huaa na kabhi mehrbaan huaa aksar rahaa main teri jafaaon se kaamraan achchhaa huaa vafaa kaa meri imtihaan huaa pursaan-e-haal teri jafaa bhi rahi na jab mujh se khilaaf-e-vazaa na zabt-e-fughaan huaa mamnun-e-bekhudi huun main 'bekhud' ki umr bhar mujh par giraan na baar-e-gham-e-do-jahaan huaa"

"nazaa ki sakhti baDhi un ko pashemaan dekh kar maut mushkil ho gai jiine kaa saamaan dekh kar vo kabhi jab iltifaat-e-naaz se lete hain kaam kaanp jaataa huun main apne dil ke armaan dekh kar karte hain arbaab-e-dil andaaza-e-josh-e-bahaar meraa daaman dekh kar meraa garebaan dekh kar vo na aglaa baaghbaan hai ab na agle ham-safir yaad kartaa huun qafas ko main gulistaan dekh kar allaah allaah mujh saa aasi darkhur-e-rahmat huaa rashk-e-zaahid to bhi hai ye qadr-e-isyaan dekh kar ai but-e-kaafir maaaz-allaah ye teraa shabaab koi kaafir hi rahegaa ab musalmaan dekh kar in buton ne mujh ko be-khud kis qadar dhoke diye sidhaa-saada jaan kar mard-e-musalmaan dekh kar"

"ai kaash na hotaa ye asar aah-e-rasaa mein ik barhami aati hai nazar zulf-e-dotaa mein daakhil jo huaa halqa-e-taslim-o-razaa mein paataa nahin vo farq sazaa aur jazaa mein us anjuman-e-naaz mein kyaa kaam qazaa kaa huun saikDon andaaz jahaan ek adaa mein mearaaj-e-mohabbat mein huiin laazim-o-malzum hai ek kashish meri vafaa teri jafaa mein saabit ye huaa dard-e-mohabbat ke asar se taasir duaa mein hai na taasir davaa mein dil jhukte hain aise ki kabhi sar nahin uThte ushshaaq ne kuchh paayaa hai naqsh-e-kaf-e-paa mein ik uqda hai jo khul nahin saktaa hai kisi se ye kis ne girah Daali tire band-e-qabaa mein 'bekhud' kaa nishaan puchhte ho qaafile vaalo ik gard si uDti hui dekhaa hai havaa mein"

"kisi se ishq karnaa aur us ko baa-khabar karnaa hai apne matlab-e-dushvaar ko dushvaar tar karnaa nahin hai maut par bhi ikhtiyaar ai vaa-e-majburi umid-e-marg mein mushkil basar karnaa magar karnaa qafas mein qaid karnaa thaa to baal-o-par katarne the sitam hai baal-o-par rakhte hue bhi yuun basar karnaa jo par the maaya-e-parvaaz hain vajh-e-giraan-baari ghurur-e-baal-o-par karnaa to mujh ko dekh kar karnaa banaa kar jaur kaa khugar inaayat ki nazar karnaa jafaa kar shauq se tu zabt par mere na jaa hargiz shikaayat kyaa mujhe ye kaam hai jab umr bhar karnaa jafaa un ki vafaa-parvar vafaa meri jafaa-parvar vo un ko umr bhar karnaa ye mujh ko umr bhar karnaa sar-e-rah puchhte hain haal kyaa kahiye ki mushkil hai bayaan-e-dard-e-dil karnaa aur us ko mukhtasar karnaa tavajjoh chaaraagar ki baais-e-taklif hai 'bekhud' izaafa hai musibat mein davaaon kaa asar karnaa"

"mazaa aataa kisi surat agar tark-e-vafaa hotaa tumhaari tarah main bhi be-vafaa hotaa to kyaa hotaa musibat ho gai aakhir tamannaa ki giraftaari agar be-muddaaa hotaa to banda bhi khudaa hotaa ye shaan-e-be-niyaazi hai khudaa maalum hotaa hai khudaa maalum kyaa hotaa agar vo but khudaa hotaa na rahtaa yuun pareshaan raat din main fikr-e-darmaan mein jo mujh ko dard denaa thaa to be-darmaan diyaa hotaa hamaari naa-umidi kaa to hai ilzaam qismat par tumhaaraa muddaaa hotaa to manzur-e-khudaa hotaa hotaa kisi ke paas dil hotaa to sharh-e-dard-e-dil karte ye hasrat rah gai ham ko koi dard-aashnaa hotaa azal se sokhta-saamaan huun fikr-e-aashiyaan kyaa ho na girti barq to ye soz-e-dil se jal gayaa hotaa na mujh se iltijaa hoti na khud vo mehrbaan hote guzar hotaa bhi un ki bazm mein apnaa to kyaa hotaa dam-e-aakhir mariz-e-gham khudaa maalum kyaa kahtaa na hote mehrbaan sun kar magar sun to liyaa hotaa hamaari be-kasi bhi ik na ik din kaam aa jaati agar 'bekhud' koi ham be-kason kaa bhi khudaa hotaa"

"shaayad nasib bosa-e-naa'lain-e-yaar ho jo khaak ho to khaak-e-sar-e-rahguzaar ho sahraa ho sehn-e-baagh ho yaa kohsaar ho saaqi jahaan pilaae vahin par bahaar ho ham khaak ho gae pa kudurat nahin gai yaarab kisi ke dil mein na yuun bhi ghubaar ho ulfat hai ghair ki to suno tum na meraa haal rahm aa hi jaaegaa tumhein nafrat hazaar ho maayusiyon pe bhi na huaa maail-e-sukun aisaa bhi dil kisi kaa na parvardigaar ho sab jaantaa huun hazrat-e-naaseh pa kyaa karun dil par karun main jabr agar ikhtiyaar ho yuun to khabar hai aamad-e-fasl-e-bahaar ki lekin nasib mein bhi to lutf-e-bahaar ho 'bekhud' ki be-khudi bhi hai tere khayaal mein teri khudi nahin ki taghaaful-shiaar ho"

"ghairon ke saath baiThe hain is anjuman mein ham kaanTon se vaasta hai magar hain chaman mein ham samjho na daagh daaman-e-dil mein ye phuul hain ab hain qafas-nasib kabhi the chaman mein ham rusvaa na zakhm-e-tir-enazar ho ye khauf hai haathon se dil chhupaae hue hain kafan mein ham vo husn thaa ki husn-e-nazar thaa khabar nahin kuchh dekhte rahe hain tiri anjuman mein ham jaage hain khvaab se bhi to aalam hai khvaab kaa khushbu si paa rahe hain tire pairahan mein ham thi aarzu chaman ki aur ab dil qafas mein hai ik ajnabi se aae hue hain vatan mein ham chaahaa durust chaah jataanaa ghalat huaa sidhi thi raah khoe gae baankpan mein ham dekheinge jalva-e-chaman-aaraa chaman mein ham zauq-e-nazar se chaak kareinge hijaab-e-gul 'bekhud' khudaa kaa shukr buton ki nazar paDi varna gae the gardish-e-charkh-e-kuhan mein ham"

"ghair ke saath kabhi zikr hamaaraa na karein ham ko bad-naam karein ishq ko rusvaa na karein dil ye kahtaa hai muqaddar hai pareshaan rahnaa aql kahti hai ki ham zulf kaa saudaa na karein kyaa zarurat hai balaa un ki sanvaare gesu ik nazar dekh lein jis ko use divaana karein kyaa nahin jaante ham rang-e-talavvun un kaa mehrbaan paaein bhi to arz-e-tamannaa na karein 'bekhud'-e-zaar ko ab dekh ke jhuk jaati hain vo nigaahein jo kabhi paas kisi kaa na karein"