pata kaise hon aakhir hijr ke asbaab duniyaa ko — Aadil Rahi

tishnagi aa tujhe dariyaa ke havaale kar duun
tujh ko is haal mein pyaasaa nahin dekhaa jaataa

tumhaare baad ye gham bhi uThaanaa paDtaa hai
khushi mile na mile muskuraanaa paDtaa hai

tum miraa naam-o-nasab puchh rahe ho sab se
ishq ho jaae to shajara nahin dekhaa jaataa

umr-bhar un se ta'alluq nahin TuuTaa kartaa
aise kuchh log hain jo dil mein utar jaate hain

unhein yaqin ki koi ranj-o-gham nahin mujh ko
mujhe bharam ki miraa masala samajhte hain

bas ik yahi to kharaabi hai us ki fitrat mein
vo mujh ko yaad to kartaa hai par zarurat mein

martaa huun havas mein gham-e-jaaved ki varna
jiine ko tire hijr ki ik shaam bahut hai

na puchhiye ki shab-e-hijr ham pe kyaa guzri
tamaam raat jale sham-e-anjuman ki tarah

main ne hijrat ko likhaa vaaqi’a-e-gumshudagi
aur paDaao mein hui maut ko manzil likkhaa

hijraton ke karb ko aise chhupaanaa hai tumhein
koi jab bhi haal puchhe muskuraanaa hai tumhein

jin ko zamin dida-e-dil se aziiz thi
vo kam-nigaah log the hijrat na kar sake

hijr ki baat yaa visaal ki baat
dil ne phir ki tire malaal ki