ik arz sab siin chhup kar karni hai ham kuun tum siin — Abroo Shah Mubarak

jaltaa hai ab talak tiri zulfon ke rashk se
har-chand ho gayaa hai chaman kaa charaagh gul

gham siin ahl-e-bait ke ji to tiraa kuDhtaa nahin
yuun abas paDhtaa phiraa jo marsiya to kyaa huaa

kyaa sabab tere badan ke garm hone kaa sajan
aashiqon mein kaun jaltaa thaa gale kis ke lagaa

yuun 'aabru' banaave dil mein hazaar baatein
jab ru-ba-ru ho tere guftaar bhuul jaave

namkin goyaa kabaab hain phike sharaab ke
bosaa hai tujh labaan kaa maze-daar chaTpaTaa

afsos hai ki bakht hamaaraa ulaT gayaa
aataa to thaa pe dekh ke ham kuun palaT gayaa

jo dil ne kahi lab pe kahaan aai hai dekho
ab mahfil yaaraan mein bhi tanhaai hai dekho

tum mire saath ho ye sach to nahin hai lekin
main agar jhuuT na bolun to akelaa ho jaaun

tum se mile to khud se ziyaada
tum ko akelaa paayaa ham ne

duur tak ek khalaa hai so khalaa ke andar
sirf tanhaai ki surat hi nazar aaegi

kirshn 'mohan' ye bhi hai kaisaa akelaa-pan ki log
maut se Darte hain main to zindagi se Dar gayaa

aap aate hain to aa jaaein magar ye shart hai
mujh se bargashta na ho jaaein miri tanhaaiyaan