dariyaa ki vusaton se use naapte nahin — Adil Mansuri

vo kaun thaa jo din ke ujaale mein kho gayaa
ye chaand kis ko DhunDne niklaa hai shaam se

dariyaa ke kinaare pe miri laash paDi thi
aur paani ki tah mein vo mujhe DhunD rahaa thaa

kab tak paDe rahoge havaaon ke haath mein
kab tak chalegaa khokhle shabdon kaa kaarobaar

soe to dil mein ek jahaan jaagne lagaa
jaage to apni aankh mein jaale the khvaab ke

bismil ke taDapne ki adaaon mein nasha thaa
main haath mein talvaar liye jhuum rahaa thaa

kis tarah jamaa kijiye ab apne aap ko
kaaghaz bikhar rahe hain puraani kitaab ke

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

hijr ki shab naala-e-dil vo sadaa dene lage
sunne vaale raat kaTne ki duaa dene lage

main aa kar dushmanon mein bas gayaa huun
yahaan hamdard hain do-chaar mere

nazar bachaa ke jo aansu kiye the main ne paak
khabar na thi yahi dhabbe baneinge daaman ke