soe to dil mein ek jahaan jaagne lagaa — Adil Mansuri

vo kaun thaa jo din ke ujaale mein kho gayaa
ye chaand kis ko DhunDne niklaa hai shaam se

dariyaa ke kinaare pe miri laash paDi thi
aur paani ki tah mein vo mujhe DhunD rahaa thaa

kab tak paDe rahoge havaaon ke haath mein
kab tak chalegaa khokhle shabdon kaa kaarobaar

bismil ke taDapne ki adaaon mein nasha thaa
main haath mein talvaar liye jhuum rahaa thaa

ab TuTne hi vaalaa hai tanhaai kaa hisaar
ik shakhs chikhtaa hai samundar ke aar-paar

kis tarah jamaa kijiye ab apne aap ko
kaaghaz bikhar rahe hain puraani kitaab ke

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

milaa ke khaak mein sarmaaya-e-dil-e-'bekhud'
vo puchhte hain bataao ye maal kis kaa thaa

vahshat ne mujh hasin ko behaal kar diyaa
kamzor dil ke log na dekhein miri taraf

mujh ko mazaa hai chheD kaa dil maantaa nahin
gaali sune baghair sitam-gar kahe baghair

tumhaaraa dil mire dil ke baraabar ho nahin saktaa
vo shisha ho nahin saktaa ye patthar ho nahin saktaa