jo chup-chaap rahti thi divaar par — Adil Mansuri

phir baalon mein raat hui
phir haathon mein chaand khilaa

mere TuuTe hausle ke par nikalte dekh kar
us ne divaaron ko apni aur unchaa kar diyaa

kis tarah jamaa kijiye ab apne aap ko
kaaghaz bikhar rahe hain puraani kitaab ke

vo kaun thaa jo din ke ujaale mein kho gayaa
ye chaand kis ko DhunDne niklaa hai shaam se

koi khud-kushi ki taraf chal diyaa
udaasi ki mehnat Thikaane lagi

allaah jaane kis pe akaDtaa thaa raat din
kuchh bhi nahin thaa phir bhi baDaa bad-zabaan thaa

main baDaa ho gayaa huun magar bachpanaa
mere dil se kabhi bhi gayaa hi nahin

jaa paDe chup ho ke jab shahr-e-khamoshaan mein 'nazir'
ye ghazal ye rekhta ye sher-khvaani phir kahaan

har ek baat ko chup-chaap kyuun sunaa jaae
kabhi to hausla kar ke nahin kahaa jaae

be-hisi par miri vo khush thaa ki patthar hi to hai
main bhi chup thaa ki chalo siine mein khanjar hi to hai

siina dahak rahaa ho to kyaa chup rahe koi
kyuun chikh chikh kar na galaa chhil le koi

ik hamaari sadaa thi is ban mein
lo ji khaamosh ho gae ham bhi