zindagi itni pareshaan hai ye sochaa bhi na thaa — Afzal Minhas

zindagi ki zulmatein apne lahu mein rach gaiin
tab kahin jaa kar hamein aankhon ki binaai mili

sath-e-dariyaa par ubharne ki tamannaa hi nahin
arsh par pahunche hue hain jab se gahraai mili

raste mein koi peD jo mil jaae to baiThun
vo baar uThaayaa hai ki dikhne lage shaane

jaane ye hiddat chaman ko raas aae yaa nahin
aag jaisi kaifiyat hai khushbuon ki lahr mein

bikharte jism le kar tund tufaanon mein baiThe hain
koi zarre ki surat hai koi Tiile ki surat hai

dil ki masjid mein kabhi paDh le tahajjud ki namaaz
phir sahar ke vaqt honTon par duaa bhi aaegi

kam-umri mein sunet hain
mar jaate hain achchhe log

zindagi ke bahut qarib na jaa
faasla kuchh to apne dhyaan mein rakh

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

baDe qalaq ki baat hai ki tum ise na paDh sake
hamaari zindagi to ik khuli hui kitaab thi