main bhi palkon pe sajaa lungaa lahu ki bundein — Ahmad Faraz

sunaa hai log use aankh bhar ke dekhte hain
so us ke shahr mein kuchh din Thahar ke dekhte hain

TuuTaa to huun magar abhi bikhraa nahin 'faraaz'
mere badan pe jaise shikaston kaa jaal ho

'faraaz' ishq ki duniyaa to khub-surat thi
ye kis ne fitna-e-hijr-o-visaal rakkhaa hai

judaaiyaan to muqaddar hain phir bhi jaan-e-safar
kuchh aur duur zaraa saath chal ke dekhte hain

zindagi teri ataa thi so tire naam ki hai
ham ne jaise bhi basar ki tiraa ehsaan jaanaan

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

apni anaa ki aaj bhi taskin ham ne ki
ji bhar ke us ke husn ki tauhin ham ne ki

kyon tasavvur mein ji rahaa huun main
jab haqiqat mein mar hi jaanaa hai

samundar ho to us mein Duub jaanaa bhi ravaa hai
magar dariyaaon ko to paar karnaa chaahiye thaa

pople munh se chane khaanaa nahin mumkin huzur
aa nahin sakti javaani lauT ke maajun se

munh chhupaanaa paDe na dushman se
ai shab-e-gham sahar na ho jaae

reza reza apnaa paikar ik nai tartib mein
canvas par dekh kar hairaan ho jaanaa paDaa