saaqi ye khamoshi bhi to kuchh ghaur-talab hai — Ahmad Faraz

sunaa hai log use aankh bhar ke dekhte hain
so us ke shahr mein kuchh din Thahar ke dekhte hain

TuuTaa to huun magar abhi bikhraa nahin 'faraaz'
mere badan pe jaise shikaston kaa jaal ho

'faraaz' ishq ki duniyaa to khub-surat thi
ye kis ne fitna-e-hijr-o-visaal rakkhaa hai

judaaiyaan to muqaddar hain phir bhi jaan-e-safar
kuchh aur duur zaraa saath chal ke dekhte hain

zindagi teri ataa thi so tire naam ki hai
ham ne jaise bhi basar ki tiraa ehsaan jaanaan

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

main baDaa ho gayaa huun magar bachpanaa
mere dil se kabhi bhi gayaa hi nahin

kyaa kyaa pukaarein sisakti dekhin lafzon ke zindaanon mein
chup hi ki talqin kare hai ghairat-mand zamir hamein

khaamoshi mein rahne vaale logon ko
sannaaTe ki guunj sunaai deti hai

khamoshi kah rahi hai ab ye do-aabaa ravaan hogaa
havaa chup ho to baarish ke shadid aasaar hote hain

tiraa chaDhaa huaa dariyaa samajh mein aataa hai
tire khamosh kinaare nahin samajhtaa huun

chup raho kyuun mizaaj puchhte ho
ham jiein yaa marein tumhein kyaa hai