jal uThein yaadon ki qindilein sadaaein Duub jaaein — Ahmad Shahryar

tujh se bhi kab hui tadbir miri vahshat ki
tu bhi muTThi mein kahaan bheinch sakaa paani ko

khvaab-e-ziyaan hain umr kaa khvaab hain haasil-e-hayaat
is kaa bhi thaa yaqin mujhe vo bhi mire gumaan mein thaa

samaai kis tarah meri aankhon ki putliyon mein
vo ek hairat jo aaine se bahut baDi thi

na dastakein na sadaa kaun dar pe aayaa hai
faqir-e-shahr hai yaa shahryaar dekhiyegaa

saalgirah par kitni nek tamannaaein mausul huiin
lekin in mein ek mubaarakbaad abhi tak baaqi hai

qatra Thiik hai dariyaa hone mein nuqsaan bahut hai
dekh to kaise Duub rahaa hai meraa lashkar mujh mein

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

ham se ziyaada kaun samajhtaa hai gham ki gahraai ko
ham ne khvaabon ki miTTi se paaTaa hai is khaai ko

kisi se zehn jo miltaa to guftugu karte
hujum-e-shahr mein tanhaa the ham, bhaTak rahe the

shaaeri ishq gham rizq kitaabein ghar-baar
kitni samton mein ba-yak-vaqt guzar hai meraa