main makin huun na makaan shahr-e-mohabbat kaa 'zafar' — Ahmad Zafar

kaun Dubegaa kise paar utarnaa hai 'zafar'
faisla vaqt ke dariyaa mein utar kar hogaa

jo reza reza nahin dil use nahin kahte
kahein na aaina us ko jo paara-paara nahin

ang ang se rang rang ke phuul baraste dekhe kaun
rang rang se shole barse kaise barse soche kaun

un se meri baat na puchh
un se meri an-ban hai

kyuun tirgi se is qadar maanus huun 'zafar'
ik sham-e-rah-guzaar ki sahar tak jali bhi hai

sabhi se jab mohabbat chaahte ho
mohabbat kyon nahin karte sabhi se

kisi se ishq apnaa kyaa chhupaaein
mohabbat Tapki paDti hai nazar se

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

husn jalva dikhaa gayaa apnaa
ishq baiThaa rahaa udaas kahin

tiri abru hai mehraab-e-mohabbat
namaaz-e-ishq mere par hui farz

sajda-e-ishq pe tanqid na kar ai vaaiz
dekh maathe pe abhi chaand numaayaan hogaa