bas ek dhun thi samundar ko paar karne ki — Ain Irfan

miraa vajud jo patthar dikhaai detaa hai
tamaam umr ki shishagari kaa haasil hai

bahut nazdik the tasvir mein ham
magar vo faasla jo dikh rahaa thaa

be-maqsad mahfil se behtar tanhaai
be-matlab baaton se achchhi khaamoshi

jahaan tak Dubne kaa Dar hai tum ko
chalo ham saath chalte hain vahaan tak

gaamzan hain ham musalsal ajnabi manzil ki samt
zindagi ki aarzu mein zindagi khote hue

haadisa kaun saa huaa pahle
raat aai ki din Dhalaa pahle

kyon tasavvur mein ji rahaa huun main
jab haqiqat mein mar hi jaanaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

jism-e-aazaadi mein phunki tu ne majburi ki ruuh
khair jo chaahaa kiyaa ab ye bataa ham kyaa karein

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

na jaane us ne khule aasmaan mein kyaa dekhaa
parinda phir se jahaan-e-qafas mein lauT aayaa