karun kis kaa gila kahte hue bhi sharm aati hai — Aish Meeruthi

meri jannat tiri nigaah-e-karam
mujh se phir jaae ye khudaa na kare

uThaane vaale hamein bazm se zaraa ye dekh
ki TuTtaa hai gharibon kaa aasraa kaise

na milne par bhi use 'aish' pyaar kartaa huun
yuun unchaa kar diyaa meaar-e-zindagi main ne

baDhti rahi nigaah bahakte rahe qadam
guzraa hai is tarah bhi zamaana shabaab kaa

ye bhi koi zindagi mein zindagi hai ham-nafas
dil kahin hai ham kahin hain aur jaanaana kahin

aankhon ko tamanna hai khaak-e-dar-e-jaanaan ki
khaak-e-dar-e-har-kucha iksir nahin hoti

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

gul kiyaa jis ne vo thaa aur magar
shama ne shikva havaaon se kiyaa

be-ilm shaairon kaa gila kyaa hai ai 'munir'
hai ahl-e-ilm ko tiraa tarz-e-bayaan pasand

ashaar mere sun ke vo khaamosh ho gayaa
ghunche ba-rang-e-gul hama-tan gosh ho gayaa