na milne par bhi use 'aish' pyaar kartaa huun — Aish Meeruthi

meri jannat tiri nigaah-e-karam
mujh se phir jaae ye khudaa na kare

uThaane vaale hamein bazm se zaraa ye dekh
ki TuTtaa hai gharibon kaa aasraa kaise

karun kis kaa gila kahte hue bhi sharm aati hai
raqib afsos apne hi puraane aashnaa nikle

baDhti rahi nigaah bahakte rahe qadam
guzraa hai is tarah bhi zamaana shabaab kaa

ye bhi koi zindagi mein zindagi hai ham-nafas
dil kahin hai ham kahin hain aur jaanaana kahin

aankhon ko tamanna hai khaak-e-dar-e-jaanaan ki
khaak-e-dar-e-har-kucha iksir nahin hoti

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

hai mubtalaa-e-ishq-e-butaan meraa doctor
jo mujh mein virus hai vahi chaara-gar mein hai

sharik vo bhi rahaa kaavish-e-mohabbat mein
shurua us ne kiyaa thaa tamaam main ne kiyaa

'sarshaar' main ne ishq ke maani badal diye
is aashiqi mein pahle na thaa vasl kaa chalan

be-kaif javaani hai be-dard zamaana hai
naakaam-e-mohabbat kaa itnaa hi fasaana hai