jaane kis khvaab ki hairat ne jagaae rakkhaa — Ambarin Salahuddin

ulajhti jaati hain girhein adhure lafzon ki
ham apni baaton ke saare agar magar kholein

ik manzar mein ik dhundle se aks mein chhup ke ro lein
ham kis khvaab mein aankhein mundein kis mein aankhein kholein

aap kahein to tiin zamaane ek hi lahr mein bah niklein
aap kahein to saari baaton mein aisi aasaani hai

tum jo chaaho to ruk bhi saktaa hai
varna kis se rukaa hai aadhaa din

meri hairat miri vahshat kaa pata puchhti hai
dekhiye kaun kise pahle rasaai degaa

bahut se lafz dastak de rahe the
sukut-e-shab mein rasta khul rahaa thaa

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

us shaan-e-aajizi ke fidaa jis ne 'aarzu'
har naaz har ghurur ke qaabil banaa diyaa

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

ab bhi barsaat ki raaton mein badan TuTtaa hai
jaag uThti hain ajab khvaahishein angDaai ki

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa

aankh mein aansu kaa aur dil mein lahu kaa kaal hai
hai tamannaa kaa vahi jo zindagi kaa haal hai