khvaah dil se mujhe na chaahe vo — Anwar Shuoor

aadmi ke liye ronaa hai baDi baat 'shuur'
hans to sakte hain sab insaan hansi mein kyaa hai

miri hayaat hai bas raat ke andhere tak
mujhe havaa se bachaae rakho savere tak

divaar-e-zindaan ke pichhe
jurm-e-mohabbat mein baiThaa huun

kabhi rotaa thaa us ko yaad kar ke
ab aksar be-sabab rone lagaa huun

go mujhe ehsaas-e-tanhaai rahaa shiddat ke saath
kaaT di aadhi sadi ek ajnabi aurat ke saath

'shuur' sirf iraade se kuchh nahin hotaa
amal hai shart iraade sabhi ke hote hain

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

raaste aur bhi jaate hain udhar ko lekin
vo mire dil se guzartaa huaa ghar jaataa hai

na baat dil ki sunun main na dil sune meri
ye sard jang hai apne hi ik mushir ke saath

aaina dil kaa toD ke kahtaa hai sang-zan
dil teraa toD kar mujhe achchhaa nahin lagaa

dil ko honaa hai fanaa rahnaa hai qaaem aql ko
hasti-e-aadam kahaan jaae ye fitrat chhoD kar