silsila rone kaa sadiyon se chalaa aataa hai — Aslam Aazad

doston ke saath din mein baiTh kar hanstaa rahaa
apne kamre mein vo jaa kar khuub royaa raat bhar

dhuup ke baadal baras kar jaa chuke the aur main
oDh kar shabnam ki chaadar chhat pe soyaa raat bhar

main ne apni khvaahishon kaa qatl khud hi kar diyaa
haath khun-aalud hain in ko abhi dhoyaa nahin

apnaa makaan bhi thaa usi moD par magar
jaane main kis khayaal mein auron ke ghar gayaa

hamaare biich vo chup-chaap baiThaa rahtaa hai
main sochtaa huun magar kuchh mujhe pataa na lage

na dasht o dar se alag thaa na jangalon se judaa
vo apne shahr mein rahtaa thaa phir bhi tanhaa thaa

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

bardaasht dard-e-ishq ki dushvaar ho gai
ab zindagi bhi jaan kaa aazaar ho gai

gham-e-mohabbat mein dil ke daaghon se ru-kash-e-laala-zaar huun main
fazaa bahaarin hai jis ke jalvon se vo harif-e-bahaar huun main

gham-e-zamaana jab na ho gham-e-vajud DhunD luun
ki ik zamin-e-jaan jo hai vo daaghdaar chaahiye