qarib se na guzar intizaar baaqi rakh — Atique Asar

masarrat aur gham donon ki koi had zaruri hai
kisi bhi ek shai kaa silsila achchhaa nahin lagtaa

uThe jaate hain dida-var sabhi aahista aahista
ye duniyaa mo'tabar logon se khaali hoti jaati hai

churaa ke laae hain kuchh log lafz ke moti
inhein vo bech rahe hain dukaan dukaan ho kar

vo baat mujh ko to dushnaam si lagi hai 'atiq'
tumhaaraa naam likhaa kis ne be-vafaaon mein

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe

phir baiThe baiThe vaada-e-vasl us ne kar liyaa
phir uTh khaDaa huaa vahi rog intizaar kaa

kisi ke raste pe kaise nazrein jamaae rakkhun
abhi to karnaa mujhe hai khud intizaar meraa

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

ye kamra aur ye gard-o-ghubaar us kaa hai
vo jis ne aanaa nahin intizaar us kaa hai