shahr kaa shahr miri jaan ki talab rakhtaa hai — Farhat Abbas

zalzalon ki numud se 'farhat'
mustaqar mustaqar nahin rahte

tum use le chalo lab-e-kausar
ai farishto ye karbalaai hai

donon laazim hain laa-zavaal bhi hain
ik tiraa husn ik miraa ye ishq

tere saanche mein Dhal gayaa aakhir
shahr saaraa badal gayaa aakhir

jise bhi dost banaayaa vo ban gayaa dushman
ye ham ne kaun si taqsir ki sazaa paai

baat ahl-e-junun ki kyaa samjhe
vo khirad jo kaDe ziyaan mein hai

gham hai na ab khushi hai na ummid hai na yaas
sab se najaat paae zamaane guzar gae

husn jalva dikhaa gayaa apnaa
ishq baiThaa rahaa udaas kahin

jab ki pahlu se yaar uThtaa hai
dard be-ikhtiyaar uThtaa hai

main jab bhi ghar se nikaltaa huun raat ko tanhaa
charaagh le ke koi saath saath chaltaa hai

dard baDh kar davaa na ho jaae
zindagi be-mazaa na ho jaae

sadaaein jism ki divaar paar karti hain
koi pukaar rahaa hai magar kahaan se mujhe