vaqt har zakhm ko bhar detaa hai kuchh bhi kiije — Imran

kyaa jaane shaakh-e-vaqt se kis vaqt gir paDun
maanind-e-barg-e-zard abhi Doltaa huun main

apne lahu mein zahr bhi khud gholtaa huun main
soz-e-darun kisi pe nahin kholtaa huun main

haar hi jiit hai aain-e-vafaa ki ru se
ye vo baazi hai jahaan jiit ke haare saare

rang ho raushni ho yaa khushbu
sab mein partav usi hasin ke hain

khvaab, ummid, tamannaaein, taalluq, rishte
jaan le lete hain aakhir ye sahaare saare

ajiib khauf kaa mausam hai in dinon 'imrran'
sugandh le ke havaa duur tak nahin jaati

mere khvaabon ke jharokon ko sajaate rahiye
na sahi vasl magar yaad to aate rahiye

sab ko ham bhuul gae josh-e-junun mein lekin
ik tiri yaad thi aisi jo bhulaai na gai

ai vahshat-e-sahraa mire qadmon se lipaT jaa
ab is se ziyaada to bikharne se rahaa main

chal diye su-e-haram ku-e-butaan se 'momin'
jab diyaa ranj buton ne to khudaa yaad aayaa

uljhaa hai paanv yaar kaa zulf-e-daraaz mein
lo aap apne daam mein sayyaad aa gayaa

kabhi ham mein tum mein bhi chaah thi kabhi ham se tum se bhi raah thi
kabhi ham bhi tum bhi the aashnaa tumhein yaad ho ki na yaad ho