aafrin tujh ko hasrat-e-didaar — Jaleel Manikpuri

tazkira soz-e-mohabbat kaa kiyaa thaa ik baar
taa-dam-e-marg zabaan se miri chhaale na gae

vo haath un ke chumti hai main huun paaemaal
ye hain mire nasib vo qismat hinaa ki hai

pesh-khema hain qayaamat kaa yahi do fitne
baaDh par qad hai taraqqi pe hai jauban teraa

be-hijaabi jo sahi hai tiri shokh aankhon ki
rasm parde ki uThegi isi ghar se pahle

sitam hai sitam kaaba-e-dil kaa Dhaanaa
ye kyaa kar rahe ho ye kyaa ho rahaa hai

sote mein vo jo mujh se ham-aaghosh ho gae
jitne gile the khvaab-e-faraamosh ho gae

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

us shaan-e-aajizi ke fidaa jis ne 'aarzu'
har naaz har ghurur ke qaabil banaa diyaa

ik nazar ne kiyaa hai kaam tamaam
aarzu bhi to thi yahi dil ki

bahut aziiz thi ye zindagi magar ham log
kabhi kabhi to kisi aarzu mein mar bhi gae

ye mere saathi hain pyaare saathi magar inhein bhi nahin gavaaraa
main apni vahshat ke maqbare se nai tamannaa ke khvaab dekhun

hai ek umr se khvaahish ki duur jaa ke kahin
main khud ko ajnabi logon ke darmiyaan dekhun