uD gae sab chaman ko rah gae ham — Jaleel Manikpuri

tazkira soz-e-mohabbat kaa kiyaa thaa ik baar
taa-dam-e-marg zabaan se miri chhaale na gae

vo haath un ke chumti hai main huun paaemaal
ye hain mire nasib vo qismat hinaa ki hai

pesh-khema hain qayaamat kaa yahi do fitne
baaDh par qad hai taraqqi pe hai jauban teraa

be-hijaabi jo sahi hai tiri shokh aankhon ki
rasm parde ki uThegi isi ghar se pahle

sitam hai sitam kaaba-e-dil kaa Dhaanaa
ye kyaa kar rahe ho ye kyaa ho rahaa hai

sote mein vo jo mujh se ham-aaghosh ho gae
jitne gile the khvaab-e-faraamosh ho gae

na tum hosh mein ho na ham hosh mein hain
chalo mai-kade mein vahin baat hogi

kahaan milegi misaal meri sitamgari ki
ki main gulaabon ke zakhm kaanTon se si rahaa huun

main bachpan mein khilaune toDtaa thaa
mire anjaam ki vo ibtidaa thi

dekhaa kiye vo mast nigaahon se baar baar
jab tak sharaab aai kai daur ho gae

jaa paDe chup ho ke jab shahr-e-khamoshaan mein 'nazir'
ye ghazal ye rekhta ye sher-khvaani phir kahaan

duaa ye hai na hon gumraah ham-safar mere
'khumaar' main ne to apnaa safar tamaam kiyaa