nai khvaahish rachaai jaa rahi hai — Jaun Elia

ek hi to havas rahi hai hamein
apni haalat tabaah ki jaae

aaj bahut din baa'd main apne kamre tak aa niklaa thaa
juun hi darvaaza kholaa hai us ki khushbu aai hai

shishe ke is taraf se main sab ko tak rahaa huun
marne ki bhi kisi ko fursat nahin hai mujh mein

main ab har shakhs se uktaa chukaa huun
faqat kuchh dost hain aur dost bhi kyaa

vo jo na aane vaalaa hai naa us se mujh ko matlab thaa
aane vaalon se kyaa matlab aate hain aate honge

bahut nazdik aati jaa rahi ho
bichhaDne kaa iraada kar liyaa kyaa

bas ek pal ki tamannaa-e-vasl ki khaatir
tamaam 'umr lagaa di gai sanvarne mein

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

main dekhtaa huun faraaz-e-junun se duniyaa ko
ki sahal bhi nahin shaayaan-e-aarzu honaa

saae ki tamannaa mein jahaan baiTh gayaa huun
chandiyaa pe vahin taak ke divaar giri hai

taskin de sakeinge na jaam-o-subu mujhe
bechain kar rahi hai tiri aarzu mujhe

ibtidaa vo thi ki jiine ke liye martaa thaa main
intihaa ye hai ki marne ki bhi hasrat na rahi