guzar rahaa hai idhar se to muskuraataa jaa — Josh Malihabadi

had hai apni taraf nahin main bhi
aur un ki taraf khudaai hai

vahaan se hai miri himmat ki ibtidaa vallaah
jo intihaa hai tire sabr aazmaane ki

haan aasmaan apni bulandi se hoshiyaar
ab sar uThaa rahe hain kisi aastaan se ham

ik na ik zulmat se jab vaabasta rahnaa hai to 'josh'
zindagi par saaya-e-zulf-e-pareshaan kyuun na ho

ham aise ahl-e-nazar ko subut-e-haq ke liye
agar rasul na hote to subh kaafi thi

naqsh-e-khayaal dil se miTaayaa nahin hanuz
be-dard main ne tujh ko bhulaayaa nahin hanuz

aisi duniyaa mein kab tak guzaaraa karein tum hi kah do ki kaise gavaaraa karein
raat mujh se miri bebasi ne kahaa bebasi ke liye ek taaza ghazal

har ek shaakh pe viraaniyaan musallat hain
badan-darakht bhi goyaa hai aashiyaan-e-shab

shor din ko nahin sone detaa
shab ko sannaaTaa jagaa detaa hai

guzarne hi na di vo raat main ne
ghaDi par rakh diyaa thaa haath main ne

jaagtaa huun main ek akelaa duniyaa soti hai
kitni vahshat hijr ki lambi raat mein hoti hai

niind aae to achaanak tiri aahaT sun luun
jaag uTThun to badan se tiri khushbu aae