aa jaati hain kuchh khushiyaan andeshon mein — Kamran Nafees

kal dopahar ko saath rahaa thaa vo der tak
phir us ke baa'd shaam rahi shaam hi rahi

hamaare chaak-e-garebaan kaa taar thaa ye kabhi
ye jis pharere ko nikle hain aap lahraane

ek hi dar thaa gali mein vo bhi darvaaza huaa
jab se har aavaaz par be-kaar mein khulne lagaa

vo ik aavaaz thi manzil nahin thi
magar main us ki jaanib chal paDaa thaa

khiDki kaa ye bhaari parda
hijr mein malmal ho jaataa hai

dil dhaDakne kaa sabab zindagi ho sakti hai
ye zaruri to nahin hai ki tiri yaad hi ho

gham hai na ab khushi hai na ummid hai na yaas
sab se najaat paae zamaane guzar gae

nahin nahin main bahut khush rahaa huun tere baghair
yaqin kar ki ye haalat abhi abhi hui hai

fitrat ke taqaaze kabhi badle nahin jaate
khushbu hai agar vo to bikharnaa hi paDegaa

raat ko jab yaad aae teri khushbu-e-qabaa
tere qisse chheDte hain raat ki raani se ham

khushbuein phuuT ke roi hongi
gul havaaon mein jo bikhraa hogaa

hamesha mai-kade mein khush-qadon kaa majmaa hai
hazaaron sarv lage hain kanaar-e-ju-e-sharaab