shaam-e-hijraan bhi ik qayaamat thi — Mahesh Chandra Naqsh

yuun guzarte hain hijr ke lamhe
jaise vo baat karte jaate hain

kis tarah karein tujh se gila tere sitam kaa
madhosh ishaaron ne bhi dil toD diyaa hai

tasvir-e-zindagi mein nayaa rang bhar gae
vo haadse jo dil pe hamaare guzar gae

is Dubte suraj se to ummid hi kyaa thi
hans hans ke sitaaron ne bhi dil toD diyaa hai

aghyaar kaa shikva nahin is ahd-e-havas mein
ik umr ke yaaron ne bhi dil toD diyaa hai

kaun samjhe ham pe kyaa guzri hai 'naqsh'
dil laraz uThtaa hai zikr-e-shaam se

mere khvaabon ke jharokon ko sajaate rahiye
na sahi vasl magar yaad to aate rahiye

main ghaTtaa jaa rahaa huun apne andar
tumhein itnaa ziyaada kar liyaa hai

ab ji ke bahalne ki hai ek yahi surat
biiti hui kuchh baatein ham yaad karein phir se

havaa par hai ye buniyaad-e-musaafir khaana-e-hasti
na Thahraa hai koi yaan ai dil-e-mahzun na Thahregaa

vo agar mujh ko na bhulein to bhulaaein kis ko
ham agar un ko bhulaaein to kise yaad karein

ye baat yaad rakheinge talaashne vaale
jo us safar pe gae lauT kar nahin aae